Île aux Cochons

in Wikipedia, die vrye ensiklopedie
Spring na: navigasie, soek
Île aux Cochons
Inheemse naam: Île aux Cochons
Satellietbeeld van die Île aux Cochons
Satellietbeeld van die Île aux Cochons
Geografie
Ligging Suidelike Oseaan
Koördinate 46°06′S 50°14′O
Argipel Crozeteilande
Oppervlak 67 vk km
Hoogste punt Mont Richard-Foy 855 m
Administrasie
Vlag van Frankryk Frankryk
Oorsese gebied Flag of the French Southern and Antarctic Lands.svg Crozeteilande

Île aux Cochons (Varkeiland), geleë by 46°06′S 50°14′E 110 km wes van Île de la Possession met oppervlak 67 km² is die mees westelike van die Crozeteilande. Dit is van vulkaniese oorsprong met klein onaktiewe kraters wat plek-plek voorkom. Die hoogste punt is 826m op Mont Richard-Foy. Die kuslyn word deur lae hange gevorm. Die varke wat ingevoer is om kos te verskaf aan robjagters en ander besoekers aan die eilande is reeds uitgeroei, maar daar kom steeds katte, konyne en muise voor. Daar is geen menslike infrastruktuur op die eiland nie en die eiland word selde deur wetenskaplike ekspedisies besoek.

Île aux Cochons behoort tot die westelike groep Crozet eilande (Frans: L'Occidental) wat in 1772 deur Marion-Dufresne die Iles Froides (Koue eilande) genoem is. Die Engelse en Amerikaanse robjagters het die eilande in die 19de eeu herdoop na Hog Island (Frans: Ile des Cochons) as gevolg van die invoer van die soogdiere as voedselbron. Guillaume Lesquin gee dit in 1825 die naam Ile Dauphine ter ere van die hertogin van Angoulême, dogter van Louis XVI.

Die eiland bied tuiste aan honderde-duisende pikkewyne. Tussen 400 en 500- duisend Koningpikkewyne broei op die eiland. Langkuifpikkewyn (272 000) en die Oostelike Geelkuifpikkewyn (51 000 ) en Witoorpikkewyne (5000 tot 6000) word ook aangetref.

Ander voëls wat op die eiland voorkom sluit in die Grootmalmok, Bruinmalmok, Grootnellie, Marionwalvisvoël (4 000 000 ), Swartstertwalvisvoël, Antarktiese Duikstormvoël (Pelecanoides georgicus - 1 000 000), Keiserduiker (Phalacrocorax atriceps) en Bruinroofmeeu.

Ander diere op die eiland sluit pelsrobbe en Suidelike Seeolifante in.

Eksterne skakels[wysig]

 
Crozeteilande
Vlag van TAAF

Îlots des Apôtres   |    Île aux Cochons   |    Île de l'Est   |    Île des Pingouins   |    Île de la Possession