13 September

(Aangestuur vanaf 09-13)

13 September is die 256ste dag van die jaar in die Gregoriaanse kalender (257ste in skrikkeljare). Daar volg nog 109 dae.

Inhoud

533 - Belisarius se legioene verslaan Gelimer en die Vandale by die Slag van Ad Decimum, waarmee die herverowering van die Weste onder Bisantynse keiser Justinianus I begin.
604 - Pous Sabinianus volg Pous Gregorius I op.
1394 - Jode word uit Frankryk verdryf op bevel van Karel VI.
1759 - Die Slag op die Abraham-Ebene by Québec beslis die Frans-Indiaanse oorlog in die guns van die Verenigde Koninkryk.
1882 – Die magte van kolonel Ahmad Urabi, leier van die Egiptiese nasionalistiese beweging wat teen die Europees-ondersteunde regering van die Khedive Tawfiq rebelleer word deur 'n Britse leër onder sir Garnet Wolsley verslaan by die Slag van Tall al Kabir.
1922 - Hoogste temperatuur gemeet: 58°C (opgeteken in al-Aziziyal in Libië).
1979 – Venda word die derde van vier Suid-Afrikaanse tuislande om onder die apartheidsbeleid 'onafhanklikheid' te verkry. Die onafhanklikheid word nêrens behalwe in Suid-Afrika en in die ander 'onafhanklike' tuislande erken nie.
1987 - Goiânia-voorval: 'n Radioaktiewe voorwerp word uit 'n verlate hospitaal in Goiânia, Brasilië, gesteel en baie mense word aan bestraling blootgestel.
1993 - Ná maandelange geheime onderhandelinge in Noorweë, word die Oslo-vredesverdrag in Washington, D.C. deur die Palestynse Bevrydingsorganisasie en Israel onderteken.