2003 Formule Een-seisoen

in Wikipedia, die vrye ensiklopedie
Spring na: navigasie, soek

Kalender[wysig]

Die seisoen het vir die agste agtereenvolgende jaar by die Albert Park renbaan afgeskop op 9 Maart, gevolg deur die Maleisiese ren op 23 Maart by die Sepang internasionale renbaan, gevolg deur die Braziliaanse ren by Interlagos op 6 April. Die Europese gedeelte het begin by Imola in Italië vir die San Marino GP op 20 April, gevolg deur die Spaanse ren by Catalunya op 4 Mei en die Oostenrykse ren op 18 Mei by die A1 ring. Die eerste deel van die Europese renne is by Monaco op 1 Junie afgehandel.

Die seisoen het op 15 Junie in Kanada by die Gilles Villeneuve voortgegaan. Die tweede deel in Europa het weer begin op 29 Junie by die Nurburgring in Duitsland (vir die Europese GP) en is gevolg deur die Franse ren by Magny Cours. Die Britse GP is gehou op 20 Julie by Silverstone en is gevolg deur die Duitse ren by Hockenheim op 3 Augustus. Daarna het 'n 3 week breek gevolg tot hulle weer teruggekeer het na die Hungaroring vir die Hongaarse ren op 24 Augustus en die laaste Europese ren, die Italiaanse ren by Monza op 14 September. Die VSA GP is gehou as die voorlaaste ren by Indianapolis Motor Speedway. Die laaste ren was, soos die vorige 5 jaar die Japannese GP by die Suzuka Internasionale Renbaan.

Seisoen hersiening[wysig]

David Coulthard het die Australiaanse GP in veranderlike weersomstandighede gewen en die Maleisiese GP is gewen deur Kimi Raikkönen. Die Brasiliaanse GP is voor die einde gestaak oor 'n ongeluk en Kimi Raikkönen is as wenner aangewys. Maar 5 dae later, na baie ondersoeke, is Giancarlo Fisichella as wenner aangewys.

Michael Schumacher het teruggeveg in die eerste Europese renne en het die volgende drie renne in San Marino, Spanje en Oostenryk gewen. Juan Pablo Montoya het gewen in Monaco en Schumacher het weer in Kanada gewen.

Die tweede Europese gedeelte het begin by die Nurburgring en is na hoë drama deur Ralf Schumacher gewen. Hy het dit opgevolg met nog 'n oorwinning in Frankryk 'n week later. Rubens Barrichello het gewen in Brittanje en Montoya het gewen in Duitsland.

Fernando Alonso het sy eerste oorwinning behaal in Hongarye by die Hungaroring en Michael Schumacher het die volgende twee renne gewen in Italië en die VSA en in die laaste ren moes Raikkönen wen, sonder dat Schumacher in die voorste agt plekke klaarmaak. Die ren is gewen deur Rubens Barrichello en Raikkönen was tweede met Micheal Schumacher agste. Dus het Schumacher sy vierde agtereenvolgende kampioenskap gewen, slegs 2 punte voor Raikkönen.