27 Januarie

27 Januarie is die 27ste dag van die jaar in die Gregoriaanse kalender. Daar volg nog 338 dae in die res van die jaar (339 in skrikkeljare).

Gebeure

• 1606 – Die verhoor van Guy Fawkes, wat die Engelse parlement wou opblaas, en sy samesweerders begin.
• 1720 – Pous Clemens XI verklaar suster Humility (Rosanna) heilig.
• 1738 – Carlo Rezzonico (later Pous Clemens XIII) word kardinaal-diaken van San Nicola in Carcere.
• 1843 – Pous Gregorius XVI stel vier nuwe kardinale aan, waaronder Francesco di Paola Villadecani, aartsbiskop van Messina.
• 1861 – Ds. A.J. Begemann word as die eerste predikant van Pretoria bevestig.
• 1888 – Die National Geographic Society, uitgewer van die National Geographic tydskrif, word gestig.
• 1926 – Die Skot John Logie Baird stel in Londen ’n TV-stel bekend.
• 1932 – Marjorie Hingle word in ’n Johannesburgse tussenverkiesig die eerste vrou wat in Suid-Afrika stem.
• 1945 – Die Rooileër bevry 7 500 gevangenes wat deur Nazi-personeel in die Auschwitz-konsentrasiekampe in Oświęcim (Duits: Auschwitz), Pole agtergelaat is.
• 1951 – Kerntoetse begin by die Nevada-Toetsterrein met ’n een-kiloton bom wat op Frenchman Flats laat val is.
• 1967 – Die Apollo 1-ruimtetuig word deur ’n brand vernietig by die Kennedy-Ruimtesentrum. Ruimtevaarders Gus Grissom, Edward White en Roger Chaffee sterf in die voorval.
• 1973 – In Parys word ooreenkomste onderteken om die Viëtnam-oorlog te beëindig.
• 1996 – Die bewind van Nigerië se eerste demokraties verkose president, Mahamane Ousane, word in ’n staatsgreep omvergewerp. Kol. Barne Mainassara Ibrahim word die staatshoof.
• 1998 – Oud-pres. F.W. de Klerk erken ’n verhouding met Elita Georgiades, die vrou van ’n Griekse sakeman.
• 2002 – Meer as 1000 mense sterf en duisende word haweloos gelaat, toe bomontploffings in ’n weermagmagasyn in Lagos, Nigerië – per ongeluk deur ’n brand veroorsaak – tot massa-paniek lei.

Geboortes

• 1756 – Wolfgang Amadeus Mozart, Oostenrykse komponis († 1791).
• 1775 – Friedrich Schelling, Duitse filosoof († 1854).
• 1805 – Samuel Palmer, Britse skilder († 1881).
• 1814 – Eugène Viollet-le-Duc, Franse argitek († 1879).
• 1832 – Lewis Carroll, Britse wiskundige en skrywer († 1898).
• 1859 – Wilhelm II van Duitsland, laaste koning van Pruise en keiser van Duitsland († 1941).
• 1948 – Valeri Brainin, Russiese-Duitse musikoloog, digter, opvoeder, komponis.
• 1949 – Fanie Olivier, Suid-Afrikaanse digter.
• 1970 – Martin Watt, Suid-Afrikaanse komponis.
• 1980 – Marat Safin, Russiese tenisspeler.

Sterftes

• 457 – Marcianus van Bisantium (* 392).
• 672 – Pous Vitalianus (*c. 600).
• 847 – Pous Sergius II.
• 1901 – Giuseppe Verdi, Italiaanse komponis (* 1813).
• 1910 – Thomas Crapper, Britse loodgieter en sakeman (* 1836).
• 1931 – Johanna Luyt, Suid-Afrikaanse komponis (* onbekend).
• 1983 – Louis de Funès, Franse akteur (* 1914).

Vakansie-, vierings- en waarnemingsdae

• Feesdag van Pous Vitalianus in die Rooms-Katolieke Kerk en die Ortodokse Kerk.

Gepubliseer

Teologie

• 1343 - Die bul "Unigenitus" - wat die mag van die pous regverdig en die gebruik van aflate magtig - deur Pous Clemens VI.