Die jaar 282 was 'n gewone jaar wat volgens die Gregoriaanse kalender op 'n Sondag begin het. Dit was die 82ste jaar van die 3de eeu n.C. Soos ander gewone jare het die jaar 12 maande, 52 weke en 365 dae gehad.
Keiser Probus verlaat Rome en gaan Sirmium toe, sy tuiste. Hy beplan 'n veldtog teen Persië.[1]
Keiser Probus is nie populêr onder sy soldate nie omrede hy hulle baie dyke, brûe en paaie laat bou. Die legioene in Rhaetia en Noricum roep Marcus Aurelius Carus uit tot keiser.[1]
Troepe wat Probus stuur om die opstand te onderdruk loop oor na Carus se kant.[1]
Carinus, Carus se oudste seun, bly in die weste om die bewind oor die westelike provinsies te voer. Carus en sy ander seun Numerianus vertrek na Antiogië.[1]
↑ 1,01,11,21,31,4The Monetary System of the Romans: A description of the Roman coinage from early times to the reform of Anastasius, Ian J. Sellars, Ian J. Sellars, 2013