28 September

28 September is die 271ste dag van die jaar in die Gregoriaanse kalender (272ste in skrikkeljare). Daar volg nog 94 dae.

Gebeure

• 351 - Keiser Konstantius verslaan die pretendent Magnentius tydens die slag van Mursa Major.
• 1066 - Die Normandiese hertog Willem die Veroweraar sit met sy leër naby Hastings, Engeland voet aan wal en verslaan op 14 Oktober Harald II Godwinson, die laaste Angel-Saksiese koning van Engeland.
• 1322 - Lodewyk van Beiere verslaan Frederik die Skone van Oostenryk by die slag van Mühldorf.
• 1362 - Pous Urbanus V volg Pous Innocentius VI op.
• 1394 - Teenpous Benedictus XIII volg Teenpous Clemens VII op as pous in Avignon.
• 1420 - Pous Martinus V kom in Rome aan vanaf Konstanz.
• 1443 - Pous Eugenius IV keer terug na Rome.
• 1500 - Pous Alexander VI stel nog tien kardinale aan waaronder sy familielid Francisco de Borja.
• 1542 - Portugese ontdekkingsreisiger Juan Rodriguez Cabrillo, die eerste Europeër om die Kaliforniese kus te bevaar, land by wat nou San Diego is.
  

  

  Tamatie
  .
• 1687 - Die Turke gee Athene prys aan die Venesiërs, maar beset dit weer 'n jaar later.
• 1733 - Pous Clemens XII stel Marcello Passeri, titulêr aartsbiskop van Nazianzo en Giovanni Battista Spinola, goewerneur van Rome aan as kardinaal.
• 1745 - God Save the King word vir die eerste keer in Brittanje gesing.
• 1820 - Die tamatie word in die openbaar as veilig bewys toe Robert Johnson 'n mandjie tamaties buite 'n hof in Salem, Nieu Jersey eet.
• 1821 - Mexico keur sy finale Grondwet goed.
• 1823 - Pous Leo XII volg Pous Pius VII op as pous van die Rooms Katolieke Kerk.
• 1843 - Brittanje verklaar Natal tot Britse kolonie.
• 1872 - Pous Pius IX verklaar Pous Eugenius III salig.
• 1924 - Twee vliegtuie van die Amerikaanse weermag land in Seattle en voltooi in 175 dae wat beskou word as die eerste vlug om die wêreld.
• 1976 - Die Britse pond val tot 1,64 Amerikaanse dollar – die laagste nog. Dit dompel die Britse regering in 'n krisis.
• 1976 - Brittanje sê hy sal Transkei nie as onafhanklike staat erken wanneer die reëling oor 'n maand in werking tree.
• 1992 - Barend Strydom word op parool vrygelaat nadat hy ter dood veroordeel en tot dertig jaar tronkstraf gevonnis is vir die moord op agt swartmense in 1986 voor die Staatsteater in Pretoria. Ook Robert McBride word op parool vrygelaat.
• 1994 - Die M/S Estonia, 'n veerboot wat tussen Tallinn, Estland en Stockholm, Swede pendeldienste verskaf, sink. 852 mense verdrink of vries dood in die koue water in een van die ergste seeongelukke in die Oossee.

Geboortes

• 1808 - Jean-Pierre Pellissier, Franse sendeling en stamvader van 'n bekende Afrikaanse familie (†1867).
• 1841 - Georges Clemenceau, Franse staatsman (†1929).
• 1862 - Genl. ds. Paul Hendrik Roux, NG predikant en Vrystaatse generaal (†8 Junie 1911)
• 1924 - Marcello Mastroianni, Italiaanse akteur (†1996).
• 1925 - Cromwell Everson, Suid Afrika komponis in Worcester.
• 1934 - Brigitte Bardot, Franse aktrise, fotomodel en sangeres in Parys.
• 1945 - Pieter-Dirk Uys, Suid-Afrikaanse satirikus en dramaturg.
• 1946 - Roelof Temmingh, Suid-Afrikaanse komponis.
• 1964 - Janeane Garofalo, Amerikaanse aktrise.
• 1967 - Mira Sorvino, Amerikaanse aktrise.
• 1987 - Hilary Duff, Amerikaanse aktrise en sangeres.

Sterftes

• 1828 - Richard Parkes Bonington, skilder.
• 1970 - Gamal Abdel Nasser (52), Egipte se tweede president (* 1918).
• 1989 - Ferdinand Marcos (72), voormalige Fillipynse president (* 1917).