29 September

29 September is die 272ste dag van die jaar in die Gregoriaanse kalender (273ste in skrikkeljare). Daar volg nog 93 dae.

Gebeure

Pompeius die Grote.

• 61 v.C. – In Rome vier Pompeius die Grote met ’n groot geskal sy triomf oor Meditereense seerowers en die oorlog teen koning Mithridates VI van Pontus in Klein-Asië, asook sy 45ste verjaardag.
• 440 – Pous Leo I volg Pous Sixtus III op.
• 855 – Pous Benedictus III volg Pous Leo IV op.
• 1227 – Pous Gregorius IX ekskommunikeer keiser Frederik II omdat hy talm om op kruistog te vertrek.
• 1623 – Pous Urbanus VIII word gekroon deur kardinaal Alessandro d’Este.
• 1652 – Die eerste groep blankes aan die Kaap bestyg Tafelberg met die Khoi-kaptein "Herrie" as gids.
• 1747 – Pous Benedictus XIV verklaar Jerome Emilian salig.
• 1761 – ’n Ekspedisie uit die Kaap steek die Oranjerivier oor.
• 1829 – Die eerste polisiepatrollies vind in Londen plaas met die mag wat Sir Robert Peel se wetgewing tot stand gebring het. Die lede se byname is gou "Peelers" en "Bobbies".
• 1850 – Pous Pius IX publiseer die bul "Universalis Ecclesiae" waarin die kerklike hierargie in Engeland en Wallis herstel word. Nicholas Wiseman word aartsbiskop van Westminster en kardinaal.
• 1858 – Die Kaapse goewerneur, sir George Grey, bewerkstellig op Aliwal-Noord vrede tussen opperhoof Mosjesj van die Basoeto en die Oranje-Vrystaat.
• 1918 – In die Eerste Wêreldoorlog breek die Geallieerdes deur die Hindenburg-linie.
• 1923 – Met ’n mandaat van die Volkebond begin Brittanje Palestina regeer.
• 1944 – Sowjet-troepe val Joegoe-Slawië binne.
• 1967 – Die 106 lede van die Internasionale Monetêre Fonds stem in Rio de Janeiro eenparig ten gunste van die hervorming van die wêreld se monetêre stelsel wat in die vooruitsig gestel word.
• 1968 – Die Spaanse tenoor Placido Domingo maak sy debuut aan die Metropolitan-operahuis in New York.
• 1969 – ’n Aardskudding van 6,5 op die Richterskaal tref die Wes-Kaap, en nege mense sterf toe Tulbagh die kwaaiste getref is.
• 1978 – John Vorster, voormalige eerste minister van Suid-Afrika, word tot staatspresident verkies – ’n amp wat hy agt maande beklee.
• 1993 – Libië sê hy is nie gekant teen ’n hofsaak in Skotland vir die twee Libiërs wat daarvan beskuldig word dat hulle ’n bom aan boord van Pan Am vlug 103 laat ontplof het nie. Die vliegtuig het in 1988 bo die Skotse dorp Lockerbie ontplof.
• 1997 – Agt partye vergader om ’n agenda op te stel vir vredesonderhandelinge in Noord-Ierland waar Unioniste en die IRL die eerste keer albei teenwoordig sal wees.

Geboortes

• 1518 – Jacopo Tintoretto, Italiaanse skilder († 1594).
• 1547 – Miguel de Cervantes, Spaanse skrywer († 1616).
• 1830 – Thomas Bain, Suid-Afrikaanse pad ingenieur en bergpasbouer († 1893).
• 1881 – Jochem van Bruggen, Afrikaanse skrywer († 1857).
• 1912 – Michelangelo Antonioni, Italiaanse rolprentregisseur († 2007).
• 1914 – D.J. Opperman, Afrikaanse digter en akademikus († 1985).
• 1935 – Jerry Lee Lewis, Amerikaanse rock ’n roll-sanger.
• 1943 – Lech Wałęsa, Poolse vakbondleier en ontvanger van die Nobelprys vir Vrede, 1983.
• 1948 – Theo Jörgensmann, Duitse jazzmusikant.
• 1951 – Michelle Bachelet, Chileense politikus en staatsvrou.
• 1961 — Julia Gillard, politikus

Sterftes

• 235 – Pous Pontianus.
• 1893 – Thomas Bain, Suid-Afrikaanse padingenieur en bergpasbouer (* 1830).
• 1900 – Prins Albert, kleinseun van koningin Victoria.
• 1999 – Gé Korsten, Suid-Afrikaanse sanger (* 1927).