31 Julie

31 Julie is die 212de dag van die jaar in die Gregoriaanse kalender (213de in skrikkeljare). Daar volg nog 153 dae in die res van die jaar.

Gebeure

• 432 - Pous Sixtus III volg Pous Celestinus I op.
• 1009 - Pous Sergius IV volg Pous Johannes XVIII op.
• 1667 - Die Verdrag van Breda beëindig die Tweede Engels-Nederlandse Oorlog.
• 1793 - Pous Pius VI publiseer "Ad nostras manus" teen die "Manifesto chretienne et de l'armee royale au peuple français à Clisson, ce premier Juin 1793" (Chistelike en koninklike leër se manifes aan die Franse burgers van Clisson op 1 Junie 1793).
• 1826 - In Valencia word die laaste "Ketter" teen die Rooms-Katolieke geloof onder die Inkwisisie tereggestel.
• 1917 - Die slag van Passchendaele begin aan die Westerlike Front in die Eerste Wêreldoorlog.
• 1941 - Joodse volksmoord: Hermann Göring beveel SS generaal Reinhard Heydrich om 'n finale oplossing tot die Joodse kwessie te ontwikkel.
• 1964 - Ranger 7, onbemande ruimtetuig land op die maan.
• 1971 - Apollo program: Die eerste Maankarretjie word tydens die Apollo 15 maansending gebruik.
• 1991 - Die VSA en die Sowjetunie teken 'n verdrag om opgehoopte kernwapenvoorrade met 'n derde te verminder.
• 2012 - Chad le Clos van Suid-Afrika wen 'n goue medalje in 200 m-vlinderslag tydens die Olimpiese Somerspele van 2012.

Geboortes

• 1885 – M.L. de Villiers, Afrikaanse predikant en musikus, komponis van “Die Stem van Suid-Afrika” († 1977).
• 1909 – Gregoire Boonzaier, Suid-Afrikaanse kunsskilder († 2005).
• 1944 – Louis van Rensburg, Afrikaanse sanger, komponis en liedjieskrywer († 2012).
• 1974 – Emilia Fox, Britse Aktrise.

Sterftes

• 1886 - Abbe Liszt, pianis.
• 1944 - Antoine de Saint-Exupéry, Franse skrywer en vlieënier (* 29 Junie 1900).
• 2009 - Tim Guest, Engelse skrywer en joernalis.
• 2012 - Johan van der Merwe, Afrikaanse akteur.

Vakansies, vierings, en waarnemingsdae

• Feesdag van Sint Ignatius van Loyola