AGD Interactive

in Wikipedia, die vrye ensiklopedie
Spring na: navigasie, soek

AGD Interactive (AGDI), LLC is 'n nie-winsgewende maatskappy wat gelisensieer is om hermake van Sierra Entertainment se populêre avontuur-rekenaarspeletjies van die 1980s en '90s te her-produseer en te versprei.

Geskiedenis[wysig]

Die maatskappy is in 2001 deur Britney K. Brimhall en Christoper T. Warren gestig onder die naam Tierra Entertainment. Die groep maak gebruik van Adventure Game Studio en het veral opspraak gemaak met die hermaak van King's Quest I: Quest for the Crown.

Op 10 Desember 2003 het die groep die naam Tierra Entertainment verander na AGD Interactive (Anonymous Game Developer Interactive.) [1]

AGDI ontwikkelaars/lede is versprei reg oor die wêreld: Verengde State van Amerika, Kanada, Australië, Engeland, Holland, Suid Afrika en ander lande. Die meeste van die lede het mekaar nog nooit fisies ontmoet nie en produksie vind hoofsaaklik oor bespreking forums en e-posse plaas.

Die stigters, Brimhall en Warren, het ook 'n kommersiële maatskappy, Himalaya Studios, gestig wat fokus op oorspronklike, mik-en-druk avontuur speletjies met hoë resolusie grafieka.[2]

Vrygestelde Speletjies[wysig]

King's Quest I VGA[wysig]

AGDI se eerste vrystelling was die mik-en-druk hermaak van King's Quest I: Quest for the Crown, wat beskikbaar is vir gratis aftrek, op 8 Augustus 2001. Die hermaak is bekend as King's Quest I VGA. In die maand van die vrystelling het die verkope van Sierra se offisiële King's Quest VIII die hoogtes in geskiet.

Op 17 Januarie 2009 het AGDI weergawe 4.0 vrygestel, wat insluit verbeterde agtergrond en karakter kuns. Verder is volle mondelingse vertel en karakter stemme ingevoeg. 'n Opsie is bygevoeg om die speler 'n keuse te gee of hy doodloop-spel wil deaktiveer. In die oorspronklike was dit moontlik om 'n doodloop-straat te beleef as jy vroeër in die spel 'n item misgeloop of verloor het.

King's Quest II+: Romancing the Stones[wysig]

Een jaar na die oorspronlike vrystelling van King's Quest I Remake, op 3 Desember 2002, het AGDI hul sukses opgevolg met die vrystelling van hul tweede gratis hermaak, 'n totaal herverwerkde weergawe van King's Quest II: Romancing the Throne. Hierdie hermaak staan bekend as King's quest II+: Romancing the Stones. Die veranderinge sluit in 'n totale herskryfde en verbeterde storielyn. Op 14 Maart 2009 is weergawe 3.0 vrygestel wat verbeterde agtergrond grafika. Volle mondelingse vertelling en karakter stemme is ook bygevoeg.

Quest for Glory II VGA Remake[wysig]

AGDI se mees gesogte vrystelling was die mik-en-druk weergawe van Quest for Glory II: Trial by Fire, waaraan die span vanaf 2000 tot 2008 gewerk het. Na 'n lang beta-fase wat 'n lang lys van probleme uitsorteer het, is QfG2 op 24 Augustus 2008 beskikbaar gestel vir gratis aflaai.[3]

Eksterne skakels[wysig]

Verwysings[wysig]