Aanbidding van die drie Wyses (Leonardo)

in Wikipedia, die vrye ensiklopedie
Spring na: navigasie, soek
Leonardo da Vinci - Adorazione dei Magi - Google Art Project.jpg
Aanbidding van die drie Wyses
Leonardo da Vinci, 1481
Olie op hout, 246 × 246 cm
Uffizi-museum

Aanbidding van die drie Wyses is 'n vroeë skildery deur Leonardo da Vinci. Die Augustynse monikke in Florence het Leonardo die opdrag gegee, maar hy het die daaropvolgende jaar na Milaan verhuis en die skildery is nooit voltooi nie. Dit word sedert 1670 in die Uffizi-museum in Florence gehuisves.

Die skildery toon die Maagd Maria met Jesus in die voorgrond; hulle vorm 'n driehoek met die drie Wyse Manne wat in aanbidding kniel. Agter hulle is ander persone wat 'n halwe sirkel om hulle vorm. Onder hierdie figure is 'n moontlike selfportret van 'n jong Leonardo (ver regs). In die agtergrond, links, is die ruïnes van 'n heidense gebou wat besig is om deur werkers herstel te word. In die agtergrond, regs, is ruiters besig om te veg en 'n skets van 'n rotsagtige landskap.