Aanhalings van Voorsitter Mao Zedong

in Wikipedia, die vrye ensiklopedie
Spring na: navigasie, soek

Aanhalings van Voorsitter Mao Zedong is 'n boek met uitgesoekte aanhalings uit toesprake en geskrifte deur Mao Zedong (Mao Tse-toeng), die voormalige leier van die Sjinese Kommunistiese Party. Dit is tussen 1964 en omstreeks 1976 gepubliseer en wyd versprei tydens die Kulturele Revolusie.

Die gewildste weergawes is in klein groottes gedruk wat maklik gedra kon word en is in 'n blink rooi omslag gebind. Dit het in die Weste algemeen bekend geword as die Rooi Boekie. Dit is een van die mees gedrukte boeke in die geskiedenis.