Abdul Karim Kassem

in Wikipedia, die vrye ensiklopedie
Spring na: navigasie, soek
Abdul Karim Kassem
Abdul Karim Kassem

Eerste Minister van die Republiek Irak
Ampstermyn
14 Julie 1958 – 8 Februarie 1963
Vise Ahmad Mukhtar Baban (Koninkryk Irak)
President Soewereiniteitsraad
Voorafgegaan deur Ahmed Hassan al-Bakr

Persoonlike besonderhede
Geboorte 21 November 1914
Bagdad, Irak
Sterfte 9 Februarie 1963
Bagdad, Irak
Politieke party Onafhanklik, ondersteun deur die Nasionale Demokratiese Party
Religie Soennitiese Islam

Abdul Karim Kassem (Arabies: عبد الكريم قاسم‎ `Abd al-Karīm Qāsim, populêr ook bekend as "az-Za’im"- "die leier"; 21 November 1914, Bagdad - 9 Februarie 1963, Bagdad) was 'n Irakkese militaris en politikus van gemengde Soennitiese, Sjiïtiese en Koerdiese afkoms.

Kassem volg sy militere opleiding aan die militêre akademie in Irak. Hy veg in die Arabies-Israeliese Oorlog van 1948-1949. Daarna sluit hy aan by die Vrye Offisiere, 'n groep Arabiese nasionalistiese offisiere wat gekant was teen die Irakse monargie en geïnspireerd was deur die Egiptiese president Nasser.

Op 14 Julie 1958 werp die Vrye Offisiere onder leiding van generaal Abdul Karim Kassem en die kolonels Abdel Salem Arif en Abdel Rahman Arif, gesteun deur die Ba'ath Party die Irakse regering omver. Koning Faisal II, bykans sy totale familie en die voormalige premier Nuri al-Said sterf tydens die staatsgreep. Daarna word ‘n republiek uitgeroep en Kassem word premier.

Hoewel hy die Arabiese nasionalisme en President Nasser se beleid aanvanklik ondersteun het, word hy spoedig 'n teenstander en verbreek hy die kontak tussen die Vrye Offisiere en die Egiptiese president. Kassem soek hierna kontak met die Irakse Kommunistiese Pary wat sterk teenstanders van die Arabiese nasionalisme was.

In 1959 poog vise-premier Arif, enkele lede van die Vrye Offisiere en die Ba'ath Party 'n mislukte staatsgreep. Kassem laat sy teenstanders daarna opsluit (die meeste kry later amnestie of tronkstraf) en gesteun deur die Kommunistiese Party sluit hy 'n vriendskapsverdrag met die Sowjet Unie. In Augustus 1960 probeer Koerdiese kommuniste in Kirkoek die mag oorneem. Kassem laat die opstand onderdruk en verbied die Irakse Kommunistiese Party. Daarna fokus Kassem op die verbetering van die lot van die armes, onder andere deur woningbouprojekte.

In 1963 kom daar 'n einde aan die bewind van Kassem, toe die Ba'ath Party die regering oorneem en Kassem laat fusileer.

In Julie 2004 is Kassem se liggaam ontdek deur 'n nuusspan van Radio Dijla in Baghdad.