Abel van Denemarke

in Wikipedia, die vrye ensiklopedie
Spring na: navigasie, soek
Abel
Koning van Denemarke
Kong abel.jpg
Periode 1 November 125029 Junie 1252
Voorganger Erik IV
Opvolger Christoffel I
Huis Estridsen
Vrou Mechtild van Holstein
Kinders Waldemar III, Hertog van Schleswig
Sophie
Erik I, Hertog van Schleswig
Abel
Vader Waldemar II
Moeder Berengária van Portugal
Gebore 1218
Oorlede 29 Junie 1252

Abel (121829 Junie 1252) was van 1232 tot 1252 die Hertog van Schleswig en van 1 November 1250 tot met sy dood koning van Denemarke. Hy was die seun van koning Waldemar II en sy tweede vrou, Berengária van Portugal, en die broer van konings Erik IV en Christoffel I.[1]

As die Hertog van Schleswig het hy vasgesit met sy broer, koning Erik IV, en daar is vermoed dat hy by sy moord in 1250 betrokke was. Nadat hy ’n eed afgelê het dat hy onskuldig is, is hy as koning gekies. Ná ’n kort bewind is hy vermoor tydens ’n militêre ekspedisie in Friesland.

Abel se bewind was die kortste van enige Deense koning.

Vroeë lewe[wysig]

Toe sy ouer broer, Erik, in 1232 gekies is as koning en medeheerser van sy pa, koning Waldemar II, is Abel gekies as Erik se opvolger as Hertog van Schleswig.

In 1237 het hy getrou met Mechtild van Holstein, ’n dogter van Adolf IV, Graaf van Holstein. Met die dood van Waldemar II in 1241 het Abel se broer koning Erik IV geword. In die volgende paar jaar het Abel teen sy broer geveg en probeer om onafhanklikheid vir Schleswig te verkry.

In 1249, nadat Erik die grensfort Rendsburg teen Estland gaan verdedig het, het Abel hom gevra om in sy huis in Schleswig oor te bly. Hy is daar gevange geneem en met ’n byl onthoof.

Koning[wysig]

Abel het gesweer hy het niks met die moord te doen gehad nie. Nadat hy ’n eed afgelê het om homself te verontskuldig, is Abel op 1 November 1250 as koning gekies, maar daar is algemeen geglo dat hy agter die moord gesit het.

Hy het net ’n jaar en ’n half regeer. Abel het gehoor die kleinboere in Friesland weier om belasting te betaal. Hy het ’n leër byeengebring om hulle te gaan straf. Op 29 Junie 1252 is hy op 33-jarige ouderdom naby Eiderstedt vermoor.

In dié stadium is Abel se jong seun, Waldemar, deur die aartsbiskop van Keulen as gyselaar gehou en Abel se jongste broer, Christoffel I, is op Kersdag 1252 as koning gekroon.

Huwelik en kinders[wysig]

By sy vrou, Mechtild van Holstein, met wie hy op 25 April 1237 getrou het, het Abel vier kinders gehad: Waldemar III, Hertog van Schleswig, Sophie, Erik I, Hertog van Schleswig en Abel.

Verwysings[wysig]

Hierdie artikel is merendeels vertaal vanaf die Engelse Wikipedia-artikel [1]
  1. Hartley, Mick. The Duke of Schleswig-Holstein-Sonderburg-Glücksburg. 27 September 2007. 14 Februarie 2008 http://mickhartley.typepad.com/blog/2007/09/the-duke-of-sch.html.
Monarge van Denemarke
Vroeë monarge  HartaknoetGorm die OueHarald BloutandSven VurkbaardHarald IIKnoet die GroteHartaknoetMagnus die GoeieSven IIHarald IIIKnoet die HeiligeOlaf IErik INielsErik IIErik LamSven III / Knoet V / Waldemar die GroteKnoet VIWaldemar die SeëvierendeErik IVAbelChristoffel IErik VErik VIChristoffel IIWaldemar IIIChristoffel IIInterregnumWaldemar AtterdagOlaf IIMargrethe I
Palts-Neumarkt  Erik van PommereChristoffel van Beiere
Oldenburg  Christiaan IHansChristiaan IIFrederik IChristiaan IIIFrederik IIChristiaan IVFrederik IIIChristiaan VFrederik IVChristiaan VIFrederik VChristiaan VIIFrederik VIChristiaan VIIIFrederik VII
Sleeswyk-Holstein-Sonderburg-Glücksburg  Christiaan IXFrederik VIIIChristiaan XFrederik IXMargrethe II