Achmat Kadirof
in Wikipedia, die vrye ensiklopedie
Achmat Abdoelchamidowitsj Kadirof (Russies: Ахмат Абдулхамидович Кадыров; 23 Augustus 1951 – 9 Mei 2004), soms ook gespel Achmad, was die hoof-moefti van die Tsjetsjeense Republiek van Itsjkerië in die 1990's tydens en ná die eerste Tsjetsjeense Oorlog. Met die uitbreek van die tweede Tsjetsjeense Oorlog het hy sy dienste aan die Russiese regering gebied en later die president van Tsjetsjnië geword (vanaf 5 Oktober 2003).
Hy is in Mei 2004 in ’n bomaanval dood. Sy seun, Ramzan Kadirof, het in Maart 2007 een van sy opvolgers as president geword.
