Addis Abeba Bole Internasionale Lughawe

in Wikipedia, die vrye ensiklopedie
Addis Abeba Bole
Internasionale Lughawe

አዲስ አበባ ቦሌ ዓለም አቀፍ አውሮፕላን ማረፊያ
IATA: ADDICAO: HAAB
Opsomming
Tipe lughawe Openbaar
Operateur Ethiopian Airports Enterprise
Bedien Addis Abeba, Ethiopië
Ligging Bole, Addis Abeba
Spil vir Ethiopian Airlines
Hoogte bo seevlak 2 334 m / 7 656 vt
Webtuiste Addis Abeba Bole Internasionale Lughawe
Landkaart
ADD is in Ethiopië
ADD
ADD
Ligging van die lughawe in Ethiopië
Aanloopbane
Rigting Lengte Oppervlak
m vt
07R/25L 4 725 15 502 Teer
07L/25R 4 604 15 301 Teer
Statistieke (2018)
Passasiers 12 143 938
Lugbewegings 1 420 997 (2009)
Uitsig oor die lughawe-operasie

Die Addis Abeba Bole Internasionale Lughawe (IATA-kode: ADD, ICAO: HAAB) bedien die stad van Addis Abeba, die hoofstad van Ethiopië. Dit is geleë in die Bole-gebied, 6 km (3,7 myl) suidoos van die middestad en 65 km (40 myl) noord van Debre Zeyit. Voorheen het dit bekend gestaan as die Haile Selassie I Internasionale Lughawe.[1]

Dit is die belangrikste sentrum van Ethiopian Airlines, die nasionale lugredery wat bestemmings in Ethiopië en die hele vasteland van Afrika bedien, asook ononderbroke diens lewer aan Asië, Europa, Noord-Amerika en Suid-Amerika. Dit is ook die basis van die Ethiopiese Lugdiensakademie.[2] Teen Julie 2013 vertrek en arriveer meer as 150 vlugte per dag by die lughawe.[3] In 1960 het Ethiopian Airlines besef die aanloopbaan by Lidetta is te kort vir sy nuwe stralervliegtuig, die Boeing 720. So is 'n nuwe lughawe by Bole gebou.[4] Teen Desember 1962 was die nuwe aanloopbaan en beheertoring in werking.

Uitbreidings[wysig | wysig bron]

Terminaal 2 se binneruim

In 1997 is 'n uitbreidingsplan vir die lughawe aangekondig.[5] Hierdie uitbreiding is in drie fases gedoen:

  • Fase Een: Byvoeg van 'n parallelle aanloopbaan en uitbreiding van die ou aanloopbaan.
  • Fase Twee: Bou van 'n splinternuwe terminaal met 'n groot parkeerarea, 'n winkelkompleks en restaurante.
  • Fase Drie: Konstruksie van die 38-meterhoë beheertoring (dubbel die hoogte van die vorige een) en installering van nuwe elektriese en brandbestrydingstoerusting.

Die uitgebreide ou aanloopbaan en die nuwe aanloopbaan is in staat om die Boeing 747 en Airbus A340-vliegtuie te hanteer. Die nuwe parallelle aanloopbaan word deur vyf in- en uitgange verbind met die ou aanloopbaan, wat as 'n rybaan dien. Die terminaalgebou huisves 'n hoë-tegnologie sekuriteit- en bagasiehanteringstelsel op meer as 43 000 vk meter grond. Die terminaal het ook banke en belastingvrye winkels.[6] Die nuwe beheertoring is tussen Terminaal 1 en 2 gebou, wat die ou beheertoring vervang.[5]

2003[wysig | wysig bron]

In 2003 is die nuwe internasionale passasiersterminaal geopen, wat dit een van Afrika se grootste lughawe-passasiersterminale maak.[7] Die nuwe terminaal is in staat om ongeveer 3 000 passasiers per uur te hanteer.[8] Hierdie projek was 'n totaal van 1,05 miljard birr ($130 miljoen) werd.[9] Die lughawe was destyds een van 'n aantal konstruksieprojekte wat by lughawens in Ethiopië aan die gang was.[6]

2006[wysig | wysig bron]

In 2006 is 'n nuwe vragterminaal en onderhoudsloods vyf maande laat geopen. Dit was as gevolg van uitgebreide spesifikasies aansienlik om Ethiopian Airlines se hanteringskapasiteit en behoeftes te verbeter. Die fasiliteit kan drie tot vier vliegtuie op 'n slag akkommodeer. Hierdie projek was altesaam 340 miljoen birr werd.[10] Terselfdertyd het die eerste Airbus A380 by die lughawe aangekom vir toetse om sy Engine Alliance GP7200-enjins se werkverrigting vanaf hoë lughawens te bevestig.[11] Die lughawe is in staat om die reuse A380 te akkommodeer.[12][13]

2010[wysig | wysig bron]

In 2010 het die Ethiopian Airports Enterprise nog 'n uitbreidingsprojek ter waarde van $27,9 miljoen by die lughawe aangekondig. Die projek was vir uitbreiding van die vliegtuigparkeerkapasiteit van 19 na 44 en om swaarder vliegtuie soos die Boeing 747-8 en Boeing 777 te akkommodeer. In die eerste fase van die projek sal 15 parkeerplekke gebou word en die res sal in die volgende fase voltooi word. Die uitbreiding sou help om lugverkeeropeenhopings te verlig weens 'n toename in internasionale reis.[5]

Verwysings[wysig | wysig bron]

  1. Underwood, John (12 April 1965). "The Number Two Lion in the Land of Sheba". Sports Illustrated. Besoek op 21 Julie 2013.(en)
  2. "Ethiopian – Aviation Academy". Ethiopian Airlines. Geargiveer vanaf die oorspronklike op 6 Augustus 2013. Besoek op 20 Julie 2013. (en)
  3. (ADD) Bole-lughawe se aankomste & vertrekke, FlightStats, 31 Julie 2013
  4. Airlines, Ethiopian. "History - Ethiopian Airlines". boleairport.com. Geargiveer vanaf die oorspronklike op 8 April 2018. Besoek op 3 April 2018.
  5. 5,0 5,1 5,2 "Bole International Airport (ADD/HAAB) - Airport Technology". Geargiveer vanaf die oorspronklike op 9 September 2018. Besoek op 3 April 2018.
  6. 6,0 6,1 "IRIN Africa - ETHIOPIA: State of the art airport terminal opens - Ethiopia - Economy". IRINnews. Geargiveer vanaf die oorspronklike op 11 September 2014. Besoek op 3 Junie 2015.
  7. "New terminal opens in Ethiopian capital". Duty Free News International - Travel Retail News. Geargiveer vanaf die oorspronklike op 11 September 2014. Besoek op 3 April 2018.
  8. "Ethiopia: State of the Art Airport Terminal Opens". 22 Januarie 2003. Geargiveer vanaf die oorspronklike op 3 Januarie 2004. Besoek op 3 April 2018 – via AllAfrica.
  9. "The New Bole International Airport Terminal Due to Open in May 2001". www.ethiopians.com. Geargiveer vanaf die oorspronklike op 5 Maart 2016. Besoek op 3 April 2018.
  10. "Ethiopia industry: EAL opens cargo terminal at Addis Ababa's Bole airport. - HighBeam Business: Arrive Prepared". HighBeam Business. HighBeam Research. 6 Junie 2006. Geargiveer vanaf die oorspronklike op 11 September 2014. Besoek op 3 April 2018.
  11. "Ethiopia: Airbus Superjumbo A380 lands in Ethiopia". Nazret. 17 Oktober 2006. Geargiveer vanaf die oorspronklike op 3 Maart 2016. Besoek op 3 April 2018.
  12. "Ethiopia: Airbus Superjumbo A380 lands in Ethiopia". nazret.com. 17 Oktober 2006. Geargiveer vanaf die oorspronklike op 3 Maart 2016. Besoek op 20 Julie 2013. (en)
  13. "Picture of an Airbus A380-861 at Addis Ababa-Bole International Airport". Airliners.net. Geargiveer vanaf die oorspronklike op 3 Maart 2016. Besoek op 3 April 2018.
Hierdie artikel is in sy geheel of gedeeltelik vanuit die Engelse Wikipedia vertaal.