Addo-Olifant Nasionale Park
| Addo-Olifant Nasionale Park | |
|---|---|
 |
|
| Land | Suid-Afrika |
| Provinsie | Oos-Kaap |
| Naaste dorp | Port Elizabeth |
  Addo-Olifant Nasionale Park
|
|
| Koördinate: Koördinate: | |
| Oppervlak | 1 640 km2 |
| Openingsjaar | 1931 |
| Bestuursliggaam | SANParke |
Die Addo Olifant Nasionale Park is 'n wildreservaat wat naby Port Elizabeth geleë is in Suid-Afrika. Die park is een van Suid-Afrika se twintig nasionale parke.
Die oorspronklike gedeelte van die park is in 1931 gestig om 'n veilige hawe te bied vir die oorblywende elf olifante in die area. Die park huisves tans meer as 450 olifante, 400 buffels, meer as 48 bedreigde swartrenosters, asook 'n verskeidenheid boksoorte. leeus en hiënas is ook onlangs weer hervestig in die gebied. 'n Unieke spesie in die gebied is die miskruierspesie Circellium bacchus wat nie kan vlieg nie.
Die oorspronklike park is uitgebrei om die Woody Cape-natuurreservaat wat van die Sondagsrivier tot Alexandria strek in te sluit, asook 'n marienereservaat wat St. Croixeiland en Voëleiland in Algoabaai insluit. Die gebied is 'n belangrike broeihabitat vir pikkewyne en ander marienespesies. Die uitbreiding is deel van 'n plan om die park van 1,480 km² uit te brei tot 3,600 km² – die Groter Addo-Olifant Nasionale Park.
Die uitbreiding beteken dat die park vyf van Suid-Afrika se sewe biome insluit. Die park is ook waarskynlik die enigste ter wêreld om die sogenaamde "Groot sewe" in hul natuurlike habitat te huisves (olifant, renoster, leeu, buffel, luiperd, walvis en witdoodshaai).
Die park ontvang jaarliks ongeveer 120 000 besoekers. Ongeveer 54% is internasionale besoekers, hoofsaaklik uit Duitsland, Nederland en die Verenigde Koninkryk.
Die park het vyf ruskampe asook vier ander kampe wat as konsessies bedryf word. Die hoofingang asook twee wildkyk-paaie in die park is geteer, terwyl ander grondpaaie is. Die park kan ook vanaf die N2 snelweg naby Colchester binnegegaan word.
Eksterne skakels [wysig]
|
|||||
