Afrikaanse Hoër Seunskool

Afrikaanse Hoër Seunskool
Leuse	Laat daar lig wees
Gestig	28 Januarie 1920
Tipe	Staatskool
Hoof	Dr. Pierre Edwards
Stigter	Jan Joubert en Chris Neethling
Personeel	92
Leerlinge	ongeveer 1,200
Grade	8-12
Adres	Lynwoodweg 1, Pretoria, 0002
Stad	Pretoria
Provinsie	Gauteng
Land	Suid-Afrika
Kleure
Koshuis(e)	Huis Pannevis
Jaarboek	Die Lig
Skoolkoerant	Stroomop
Webblad	www.affies.co.za

Reklame in 1929 vir die verdeling van die skool in ’n afdeling vir seuns en meisies.

Nagfoto van die skoolgebou.

Die Afrikaanse Hoër Seunskool, ook bekend as Affies, is ’n publieke hoërskool vir seuns in Pretoria, Gauteng, Suid-Afrika, en is geleë oorkant die wêreldbekende rugbystadium en tuisveld van die Blou Bulle, Loftus Versfeld.

Die skool is op 28 Januarie 1920 gestig en merk die totstandkoming van die eerte suiwer Afrikaans-medium skool in Suid-Afrika. Die gebeurtenis vind plaas vyf jaar voor die amptelike erkening van die Afrikaanse taal. Die skool is deur Suid-Afrika bekend vir sy hoë akademiese standaarde en die leiers wat hulle opgelewer het.

Geskiedenis

Die skool was oorspronklik in die huis van Generaal Piet Joubert te Visagiestraat 218, Pretoria gehuisves. Teen 1927 het die skool so gegroei dat hulle ’n nuwe skoolterrein benodig het, en is die skool na die huidige terrein van die Afrikaanse Hoër Meisieskool geskuif. Teen die einde van 1927 het hulle die Hogere Oosteindschool, ’n Nederlandstalige skool oorgeneem, ’n verdere teken van die afname in gebruik van Nederlands in Suid-Afrika en die aanvaarding van Afrikaans as primêre onderrigtaal.

Teen 1929 het die hudige geboue kapsiteit bereik en is die besluit geneem om ’n nuwe skool vir die seuns te stig. Die Afrikaanse Hoër Seunskool het so tot stand gekom, die eerste aparte Afrikaanse seuns- en meisieskole in die destydse Transvaal.

Skoollied

Affies se skoollied:

Daar ruis uit Pretoria die roep tot verre trans van duisende stemme vir jou, ou Afrikaans! Dit bind ons tesame, die naam van ons trou soos berge so stewig gebou vir jou! Ons bring jou ons hulde, jou lig sal ons dra tot ver oor ons wye Suid-Afrika. Ons staan vir ons Nasie, ons Taal en ons Land, Gestaal vir die stryd om jou lig te laat brand. Ons grootse verlede; die hede se krag Gee moed en vertroue vir dit wat daar wag. Ons bring jou ons hulde jou lig sal ons dra tot ver oor ons wye Suid-Afrika.

Woorde en Musiek: Mnr. en Mev. Carel van Heerden (1952)

Erekode

Affies se erekode:

In ons skool gee ons die ereplek aan God en sy Woord en streef die Christelike lewensbeginsels na. Ons is dankbaar vir die talente wat ons van God ontvang het en wend dit aan tot sy eer. Ons streef daarna om hulpvaardig te wees en om te dien. Ons gehoorsaam en eer ons ouers en onderwysers en gedra ons hoflik teenoor alle mense, veral teenoor dames en ons meerderes. Ons woord is ons eer. Ons glo in selfbeheersing, selfdissipline, nederigheid en lojaliteit. Ons dien ons skool getrou en handhaaf sy goeie naam met woord en daad. Ons hou onsself en ons omgewing rein en skoon. Ons staan vir ons Taal, ons Nasie en ons Land.

Noemenswaardige alumni

• Louis Schmidt (1954) : Springbok rugbyspeler 1958 en 1962, en die oorspronklike Blou Bul
• Tonie Roux (1964) : Springbok rugbyspeler 1969 tot 1974
• Professor Fransjohan Pretorius (1966) : prominente Suid-Afrikaanse historikus
• Johan Buys (1965) : Springbok atleet 1970
• Pierre Edwards (1970) : Springbok rugbyspeler 1980, en tans die skoolhoof
• Grant Esterhuizen (1994) : Springbok rugbyspeler 2000
• Fourie du Preez (2000) : Springbok rugbyspeler 2004 tot 2006
• Wynand Olivier (2001) : Springbok rugbyspeler 2006
• Pierre Spies (2003) : Springbok rugbyspeler 2006
• Jacques Rudolph (1999) : Suid-Afrikaanse internasionale krieketspeler 2003 tot 2006
• AB de Villiers (2002) : Suid-Afrikaanse internasionale krieketspeler 2004 tot 2008
• Jacques Freitag (2000) : Suid-Afrikaanse Olimpiese hoogspringatleet, goue medalje by die 2003 IAAF wêreldkampioenskappe
• Johan Kriek (1976) : Suid-Afrikaanse tennisspeler, twee keen wenner van die Australiese Ope enkels kampioenskappe
• Danie Visser (1979) : Suid-Afrikaanse tennisspeler, drie keer wenner van die Grand Slam dubbels
• Faf du Plesis: Titans krieketspeler
• Kruger van Wyk: Titans en Suid-Afrika A krieketspeler
• Heino Kuhn: Titans krieketspeler
• Johan Roets: Suid-Afrika A en Bulle Super 14 rugbyspeler
• Sarel Potgieter: WP rugbyspeler
• Derick Kuün: Blou Bulle rugbyspeler
• Skipper Badehorst: Natal Sharks rugbyspeler
• Edward Coetzee: Natal Sharks rugbyspeler
• Nicolaas Alberts: Springbok Sewes rugbyspeler en Cambridge University Triple Blue (Rugby, Krieket en Atletiek)
• Cillié Malan : Predikant in die NG Kerk

Eksterne skakels

• Affies se amptelike webwerf
• Affies Alumni