Afriqiyah Lugdiens Vlug 771
| Afriqiyah Lugdiens Vlug 771 | |
|---|---|
| Datum: | 12 Mei 2010 |
| Oorsaak: | Word nog ondersoek |
| Plek van ramp: | Tripoli Internasionale Lughawe |
| Sterftes: | 103 |
| Beserings: | 1 |
| Vliegtuig Tipe: | Airbus A330-200 |
| Vliegtuig Stertnommer: | 5A-ONG |
| Oorsprong: | OR Tambo Internasionale Lughawe, Johannesburg, Suid-Afrika |
| Bestemming: | Tripoli Internasionale Lughawe, Tripoli, Libië |
| Passasiers: | 93 |
| Bemanning: | 11 |
| Oorlewendes: | 1 |
Afriqiyah Lugdiens Vlug 771 was ‘n geskeduleerde internasionale vlug wat op die 12de Mei 2010 om 06:10 plaaslike tyd verongeluk het terwyl dit die aanloopbaan van die Tripoli Internasionale Lughawe genader het. Die enigste oorlewende is ‘n 9-jarige Nederlandse seun, Ruben van Assouw[1]. 103 mense het egter hul lewe in die ramp verloor.
Inhoud |
[wysig] Die vliegtuig
Die vliegtuig was 'n Airbus A330-200 met registrasie 5A-ONG. Afriqiyah Lugdiens het die vliegtuig in September 2009 bekom en het ten tyde van die ongeluk ongeveer 1 600 vlugure en 420 vlugte gehad. Die vliegtuig het van General Electric CF6-80E1 enjines gebruik gemaak. Die vliegtuig is ontwerp om 253 passasiers te vervoer. Op die dag van die ongeluk was daar 93 passasiers en 11 bemaningslede aan boord waarvan die meeste afkomstig was van Nederland, Libië en Suid-Afrika.
[wysig] Vlug
Die vlug se oorsprong was by die OR Tambo Internasionale Lughawe en was geskeduleerd om by sy finale bestemming, Tripoli Internasionale Lughawe te land. Die vliegtuig het egter ongeveer 900 meter kort van aanloopbaan 09 neergestort. Geen brand is na nie ongeluk aangemeld nie. Daar is oorspronklik gerapporteer dat die ongeluk slegs een meter kort van die aanloopbaan plaasgeving het. Die METAR wat die dag in gebruik was, was HLLT 120350Z VRB01KT 6000 NSC 19/17 Q1008[A]. Sekuriteitsbeamptes het gemeld dat die vliegtuig ontplof het voordat dit gedisintegreer het. Die Libiese Minister van Vervoer het terrorisme as oorsaak van die ongeluk uitgesluit.
Dit was die eerste ongeluk waarby Afriqiyah Lugdiens betrokke was sedert hul onstaan in April 2001.
[wysig] Ondersoek
Die Libiese Burgerlugvaartowerheid het 'n ondersoek na die ongeluk gelas en is tans besig met die ondersoek. Airbus het gemeld dat hy volle tegniese ondersteuning sal bied aan die owerhede wat die ongeluk ondersoek. Die Suid-Afrikaanse Burgerlugvaartowerheid het ook 'n span gestuur om te help met die ondersoek. Die Franse Bureau d'Enquêtes et d'Analyses pour la Sécurité de l'Aviation Civile (BEA) het ook hul hulp aangebied en het 'n span van twee ondersoekers na die toneel ontbied.
Die vlug-opnemmers is gevind en word tans ontleed.
[wysig] Reaksie
Afriqiyah Lugdiens het ‘n verklaring uitgereik wat gemeld het dat die naasbestaandes van die slagoffers, wat Libië wil besoek, se vervoer en verblyfkostes deur die lugdiens gedek sal word. Die Libiese owerhede het gemeld dat sekere paspoortbeperkings verlig sal word en verseker dat visas uitgereik sal word[2].
Koningin Beatrix van Nederland het haar skok uitgespreek toe sy die nuus hoor.[3] .
President Jacob Zuma het ook sy meegevoel betoon tydens ‘n parlementssitting[4] .
[wysig] Passasiers en bemanningslede
Die lugredery het die volgende lys van die nasionaliteite van die slagoffers uitgereik. Al elf bemanningslede was Libiërs gewees. Verskeie passasiers het ook dubbele burgerskap gehad.
| Nasionaliteit | Oorlede | Oorlewendes | Totaal | |
|---|---|---|---|---|
| Passasiers | Bemanningslede | |||
 Nederland |
67 | – | 1 | 68 |
 Libië |
2 | 10 | – | 12 |
 Suid-Afrika |
13 | – | – | 13* |
.svg){kind=small} België |
4 | – | – | 4 |
 Oostenryk |
2 | – | – | 2 |
 Verenigde Koninkryk |
1 | – | – | 1 |
 Frankryk |
1 | – | – | 1 |
 Filippyne |
- | 1 | - | 1 |
 Duitsland |
1 | – | – | 1 |
 Zimbabwe |
1 | – | – | 1 |
| Totaal | 92 | 11 | 1 | 103 |
* 1 Suid-Afrikaanse paspoorthouer, Bree O'Mara het Suid-Afrikaanse sowel as Ierse burgerskap gehad.[5]
Mohamed Zidan, Libiese Minister van Vervoer het gerapporteer dat die enigste oorlewende van die ramp ‘n seun van Nederland is. Die seun is later as die nege-jarige Ruben van Assouw geïdentifiseer. Hy is woonagtig in die stad Tilburg en het so pas saam met sy familie teruggekeer van safari in Suid-Afrika. Sy ouers en broer was ook op die vlug. Hulle het die seun in sy sitplek gaan sit, steeds dra die gordel, ongeveer 400 meter van die plek waar hulle die vliegtuig val. Toe hulle die seun gevind het, was hy heeltemal naak. [6] Sy pa is die eiernaar van UnIT Services in die Eindhoven-area. Van Assouw is na die Sabia'a-hospitaal, 30 kilometer suid-oos van Tripoli, geneem en is later na die Al-Khadhra-hospitaal in Tripoli oorgeplaas, waar hy 'n operasie ondergaan het vir sy veelvuldige frakture aan beide bene. Die segspersoon van Nederland se Departement van Buitelandse Sake, Ad Meijer, het gemeld dat die kind geen lewensbedreigende beserings opgedoen het nie. Saif al-Islam Muammar Al-Gaddafi en Kaptein Sabri Shadi, die hoof van Afriqiyah Lugdiens, het Van Assouw in die hospitaal besoek. Op 15 Mei is hy per lugambulans na Eindhoven in Nederland vervoer. Sy oom en tante het hom vergesel.
Van die passasiers, sou 42 verder vertrek het na Düsseldorf, 32 na Brussel, sewe na Londen, en een na Parys. Elf passasiers se finale bestemming was Libië.
Onder die slagoffers was Frans Dreyer, broer van Anchen Dreyer wat ‘n parlamentslid is en sy vriend en kollega, Anton Matthee. Een van die Nederlandse slagoffers was Joëlle van Noppen, sanger van die voormalige Nederlandse groep WOW!
Die vlugdeklede is geidentifiseer as Kaptain Yousef Bashir Al-Saadi (Arabies: يوسف بشير الساعدي), Mede-vlieënier Tareq Mousa Abu Al-Chaouachi (Arabies: طارق موسي أبو الشواشي), en Mede-vlieënier Nazim Al-Mabruk Al-Tarhuni (Arabies: ناظم المبروك الترهوني).
[wysig] Nota
‘n ^ Vertaling: METAR vir Tripoli Internasionale Lughawe, uitgereik om 03:50 UTC op die 12de van die maand. Windrigting veranderlik met ‘n spoed van 1 knoop (1,9 km / h), sigbaarheid 6000 meter (3,7 myl), geen beduidende wolkebedekking, temperatuur 19 ° C, dou punt 17 ° C, altimeter instelling van 1008 hPa.
[wysig] Verwysings
- Hierdie artikel is 'n vertaling van die Engelse Wikipedia artikel, Afriqiyah Airways Flight 771
- ^ (nl) "Overlevende vliegramp is Tilburgs jongetje". Brabants Dagblad. URL besoek op 14 Mei 2010.
- ^ (en) "Afriqiyah Flight 771 crash release 3 11:00 UTC". Afriqiyah Airways. URL besoek op 25 Mei 2010.
- ^ (nl) "61 Nederlanders dood bij vliegtuigcrash Libië". NRC Handelsblad. URL besoek op 25 Mei 2010.
- ^ (en) "Plane crash in Libya 'kills more than 100 on board'". BBC News: 12 May 2010. URL besoek op 12 Mei 2010.
- ^ (en) "103 dead in Libyan plane crash". RTÉ News and Current Affairs: 12 Mei 2010. URL besoek op 17 Mei 2010.
- ^ http://www.nu.nl/vliegramp-tripoli/2247004/ruben-wordt-uitstekend-verzorgd.html
