Afrotropiese gebied

in Wikipedia, die vrye ensiklopedie
Spring na: navigasie, soek
Die Afrotropiese gebied

Die Afrotropiese gebied is een van agt ekosones waarin die aarde se oppervlak opgedeel word. Die gebied strek oor Afrika suid van die Sahara-woestyn, die suide van die Arabiese Skiereiland, en uiteindelik die suide van Iran.

Madagaskar en verskeie naburige eilande word as 'n substreek van die ekosone gesien. Madagaskar beskik oor verskeie endemiese spesies, soos die lemur. Madagaskar en die Seychelle het in die verlede aan die superkontinent Gondwana behoort, en het tientalle miljoene jare gelede vanaf Afrika weggedryf.

Die term Afrotropies word algemeen gebruik om die verspreiding van diere te beskryf. Die gebied word in die ooste, weste en suide deur oseane afgesper. In die noorde vorm die dorre Sahara 'n natuurlike versperring wat veroorsaak dat daar weinig wisselwerking met spesies in die Palearktiese gebied plaasvind.