Agiou Pavlou-klooster

in Wikipedia, die vrye ensiklopedie
Spring na: navigasie, soek

Koördinate: 40°09′40″N 24°17′25″O

Die Agiou Pavlou-klooster.
Die hoofkerk van die klooster.

Die Agiou Pavlou-klooster (Grieks: Μονή Αγίου Παύλου, die klooster van sint Paulus) is ’n Oosters-Ortodokse klooster in die westelike deel van Berg Athos in Griekeland. Dit is 14de in rang van die skiereiland se kloosters. Daar is tans sowat 31 monnike.

Die Katolikon, of hoofkerk, is toegewy aan die opdra van Jesus in die tempel. Sy feesdag is op 2 Februarie volgens die Juliaanse kalender (Nuwe Styl: 15 Februarie).

Die stigter van die klooster was sint Paulus van Xeropotamou. Tussen 1355 en 1365 het die Serwiese edelman Antonije Bagaš die geruïneerde klooster gekoop en gerestoureer, en sy ab geword.[1] Op 14 Oktober 1410 het die Serwiese heerser Đurađ Branković die dorpie Kuzmin in Kosovo aan die klooster geskenk omdat dit die wens was van die oorlede prins Lazar Hrebeljanović.[2]

Die klooster se biblioteek bevat 494 manuskripte en meer as 12 000 gedrukte boeke.

Twee idiorritmiese skiti's val onder die klooster:

  • Die Roemeense Lakko-skiti
  • Die Griekse Nuwe Skiti

Sien ook[wysig]

Verwysings[wysig]

  1. Eastern Christianity, p. 160
  2. Zivkovic, Tibor. Charters of the Serbian rulers related to Kosovo and Metochia, 123-124. 

Eksterne skakels[wysig]

ICXC NIKA.svg   Kloosters van Berg Athos  (volgens senioriteit)
Groot LawraVatopediIvironHilandarDionysiouKoutloumousiouPantokratorosXeropotamouZografDochiariouKarakallouFilotheouSimonopetraAgiou PavlouStavronikitaXenophontosOsiou GregoriouEsphigmenouAgiou PanteleimonosKonstamonitou