Aigues-Mortes

in Wikipedia, die vrye ensiklopedie
Spring na: navigasie, soek
Aigues-Mortes
Festung Aigues-Mortes01.jpg
Wapen van Aigues-Mortes
Wapen
Ligging van Aigues-Mortes op 'n kaart (Frankryk)
Aigues-Mortes
Aigues-Mortes
Koördinate: 43°34′03″N 4°11′36″O
Land Vlag van Frankryk Frankryk
Gewes Flag of Languedoc-Roussillon.svg Languedoc-Roussillon
Département Blason département fr Gard.svg Gard
Arrondissement Nîmes
Kanton Aigues-Mortes
Stigting 10de eeu
Regering
 - Burgemeester Cédric Bonato
Oppervlak
 - Stad 57,78 km²  (22,3 vk m)
Hoogte 0–3 m (0–9,8 vt)
Bevolking (2009)
 - Stad 8 116
 - Digtheid 140/km² (362,6/myl2)
Poskode 30220
Skakelkode(s) 30003
Webwerf: ville-aigues-mortes.fr

Aigues-Mortes [ɛgˈmɔʀt] is 'n stad en ou seehawe in Petite Camargue, naby Nîmes in Suid-Frankryk en sowat vyf kilometer oos van La Grande-Motte, wat deur koning Lodewyk IX as seehawe vir die kruistogte van die jare 1246 en 1270 gestig is.

Die tipiese Middeleeuse roosterpatroon van Aigues-Mortes

Aigues-Mortes is met sy tipiese roosterpatroon van reguit strate wat mekaar kruis is 'n voortreflike voorbeeld van middeleeuse stadsbeplanning.

Danksy die koninklike bevordering van die handel beleef die stad 'n bloeitydperk, wat eers teen die middel van die 14de eeu tot 'n einde kom. Die stad is daarna grotendeels verlaat.

Die oorspronklike kruisvaarderstad is grotendeels bewaar en die huidige stad met 7 891 inwoners (2008) is 'n gewilde toeristebestemming in die département Gard (région Languedoc-Roussillon). Aigues-Mortes lê nou sowat vier kilometer van die kuslyn af en word deur middel van 'n kanaal met die see verbind. Die belangrikste bronne van inkomste naas die toerisme is wynbou en soutontginning.

Geskiedenis[wysig]

Die Middeleeuse stadspoort
Die stadsmuur van Aigues-Mortes

Die Romeinse Gaius Marius berig van 'n nedersetting wat reeds in die jaar 102 v.C. bestaan. Die naam Ayga Mortas (Dooie Waters) word vir die eerste keer in die 10de eeu gebruik. Tot by die 16de eeu bly Aigues-Mortes 'n belangrike vervoersentrum van die Mediterreense Frankryk.