Airbus Beluga

in Wikipedia, die vrye ensiklopedie
A300-600ST Beluga

A300 · A310 · A318 · A320 · A330 · A340 · A350 · A380

'n Airbus Beluga in vlug in die ou Airbuskleurskema.
Tipe Vragvliegtuig
Vervaardiger Airbus
Nooiensvlug 13 September 1994
Vrygestel September 1995
Status Beperkte produksie, in diens
Hoofgebruiker Airbus Transport International
Vervaardig 2010–tans
Aantal gebou 5
Ontwikkel van Airbus A300-600
'n Airbus Beluga met oop laaideur

Die Airbus A300-600ST (Super Transporter), beter bekend as die Airbus Beluga, is 'n gewysigde weergawe van die standaard A300-600 wyerompvliegtuig wat gebruik word om vliegtuigonderdele en ekstra groot vrag te dra.

Verskeie groot vliegtuigvervaardigers is multinasionale maatskappye, en dit is nie ongewoon dat hulle verskeie fabrieke ver uitmekaar lê nie. Airbus is uniek in die sin dat dit 'n konsortium van die groot Britse, Franse, Duitse en Spaanse lugvaartmaatskappye is. Die geografiese ligging van Airbusproduksie word nie net beïnvloed deur koste en gerief nie; dit is ook 'n saak van lugvaartgeskiedenis en nasionale belang. Elkeen van die Airbusvennote maak 'n hele vliegtuigseksie, wat dan na 'n sentrale punt vir die finale montering vervoer moet word. Die besonderhede verskil van die een Airbusmodel na die volgende, maar gewoonlik word die vlerke en landingsonderstel in die Verenigde Koninkryk, die stert en deure in Spanje, die romp in Duitsland, en die neus en sentrum-afdeling in Frankryk gemaak. Die finale montering vind dan óf in Toulouse, Frankryk; Hamburg, Duitsland; of Seville, Spanje plaas.


Hierdie artikel is in sy geheel of gedeeltelik vanuit die Engelse Wikipedia vertaal.