Airbus Group

in Wikipedia, die vrye ensiklopedie
European Aeronautic Defence and Space Company EADS N.V.
Tipe Openbaremaatskappy (Euronext: EAD, FWB: EAD)
Gestig 2000
Hoofkantoor Vlag van Frankryk Toulouse[1]], Frankryk
IndustrieLug- en ruimtevaart, verdediging, en telekommunikasie
ProdukteKommersiële lugrederye (lys)
Inkomste€39,434 miljoen (2006)
Bedryfsinkomste€399 miljoen
Netto inkomste€99 miljoen
MoedermaatskappySOGEADE
DaimlerChrysler
Dogter-
maatskappye
Airbus
EADS Astrium
Eurocopter
MBDA (37.5%)
Arianespace (26,68%)
Webwerfwww.eads.eu

Die European Aeronautic Defence and Space Company EADS N.V. (EADS) is 'n groot Europese lug- en ruimtevaart maatskappy wat op 10 Julie 2000 gevorm is deur die samesmelting van Aérospatiale-Matra van Frankryk, Construcciones Aeronáuticas SA (CASA) van Spanje, en DaimlerChrysler Aerospace AG (DASA) van Duitsland. Die maatskappy ontwikkel, vervaardig en bemark burgerlike en militêre vliegtuie asook misiele, ruimte-vuurpyle, satelliete, en verwante stelsels. [2]

Geskiedenis en aktiwiteite[wysig | wysig bron]

EADS is deur sy lidmaatskappye gevorm in Julie 2000 om die wêreld se tweede grootste lug- en ruimtevaartmaatskappy (na Boeing) te word. EADS is ook die tweede-grootste Europese wapenvervaardiger (na BAE Systems.)

Vroeg in 2001 het EADS en sy vennootmaatskappy in Airbus, BAE Systems, besluit om 'n ten volle geïntegreerde maatskappy te stig. Airbus het dit op 12 Julie 2001 formeel reggekry. Die nuwe reling het gelei tot aandeelhouding in Airbus van 80% (EADS) en 20% (BAE). In April 2001 het EADS ingestem om sy misielbesigheid met die van BAE Systems en Alenia Marconi Systems (BAE/Finmeccanica) saam te smelt om MBDA te vorm. EADS het 'n 37,5% aandeel in die nuwe maatskappy wat in Desember 2001 formeel gevestig is opgeneem.

Op 16 Junie 2003 het EADS BAE se 25% aandeel in Astrium, die satelliet en ruimtestelselvervaardiger, oorgeneem om die alleeneienaar daarvan te word. EADS het die maatskappy herdoop na EADS Astrium. In Junie 2005 het EADS aangekondig dat dit oorweeg om met Japannese maatskappye en die Japannese METI saam te werk om 'n supersoniese vliegtuig te ontwikkel wat bedoel was om 'n groter, vinniger, en stiller plaasvervanger te wees vir die Concorde, wat in Oktober 2003 uit diens onttrek is.[3]

Bestuur[wysig | wysig bron]

EADS is na die stigting daarvan deur twee hoofbestuurders bestuur, een Frans, Louis Gallois, en een Duits, Thomas Enders. Op soortgelyke wys is die leierskap van die raad van direkteure deur twee medevoorsitters gedeel: Arnaud Lagardère en Manfred Bischoff. Lede van die raad van direkteure van EADS was: Manfred Bischoff, François David, Juan Manuel Eguiagaray, Thomas Enders, Noël Forgeard, Louis Gallois, Rüdiger Grube, Jean-Paul Gut, Arnaud Lagardère, Hans Peter Ring, en Michael Rogowski.

In laat 2004 is Noël Forgeard (toe Airbus CEO) deur Lagardère genomineer as die volgende Franse CEO van EADS. Forgeard het voorgestel dat die stelsel afgeskaf moes word ten gunste van 'n enkele hoofbestuurder in 'n skuif wat DaimlerChrysler gesien het as 'n poging om 'n Franse gedomineerde bestuurspan te bewerkstellig. Na uitgerekte argumente is die aanstelling deur die EADS Raad van Direkteure goedgekeur op 25 Junie 2005. Op dieselfde vergadering, in oorleg met vennoot BAE Systems, is Gustav Humbert as President en CEO van Airbus aangestel.

Op 2 Junie, 2006 het mede-CEO Noël Forgeard en Airbus hoofbestuurder Gustav Humbert bedank na die omstredenheid wat gevolg het op die aankondiging dat die aflewering van die Airbus A380 vir 'n verdere ses maande vertraag sou word. Forgeard was ook onder druk as gevolg van die feit dat hy EADS aandele verkoop het twee weke voor die A380 aankondiging wat 'n 26% daling in die aandele prys tot gevolg gehad het.

Op 16 Julie 2007 het EADS 'n aantal veranderings in die bestuurstruktuur van die maatskappy aangekondig. Volgens die veranderinge het Rüdiger Grube die alleen voorsitter van die Raad van Direkteure geword, Louis Gallois die alleen hoofbestuurder van EADS, Thomas Enders die hoofbestuurder van Airbus en Fabrice Brégier die bedryfshoof van Airbus. Die aantal onafhanklike raadslede op die Raad van Direkteure is ook verhoog. [4]

Verwysings[wysig | wysig bron]

  1. "Airbus Group pose la première pierre du nouveau siège près de Toulouse" (in Frans). Libération. 14 Januarie 2014. Geargiveer vanaf die oorspronklike op 2 Februarie 2014. Besoek op 18 Januarie 2014.
  2. EADS, EADS - Ready for take off, Besoek op 17 Augustus 2007
  3. BBC nuus, 'Son of Concorde' plans unveiled
  4. EADS, Changes in management and leadership structure of EADS, Besoek op 17 Augustus 2007