Akuut-aksentteken

in Wikipedia, die vrye ensiklopedie
Spring na: navigasie, soek
Á á
É é
Í í
Ó ó
Ú ú

'n Akuut-aksentteken is 'n diakritiese teken wat as 'n skuinsstrepie bo-op 'n letter vokale geplaas word. Die strepie loop van links na regs, laag na hoog. Dus lê dit vorentoe.

Die akuut-aksent dui die beklemtoning van 'n woord of 'n spesifieke lettergreep in 'n woord aan in 'n spesifieke konteks. Tydens spraak word die woord (of deel) dan harder, amper met 'n plofgeluid, uitgespreek. Woorde kan ook sonder die akuut-aksent geskryf word wanneer die spesifieke klem nie nodig is nie, anders as woorde met gravis-aksenttekens wat altyd daarmee geskryf moet word.

Name is dikwels 'n uitsondering op die reël: name soos André word met die aksentteken gespel, maar 'n akuut-aksent word gebruik, nie 'n gravis-aksentteken nie.

Die akuut-aksent word in verskeie moderne tale, wat op die Latynse en Griekse alfabet gebaseer is, gebruik.

Voorbeelde[wysig]

  • na - ná
  • nie - nié (met "ie" word die aksentteken slegs op die "e" geplaas.)
  • die - dié
  • hierdie - hiérdie
  • boonop - bóónop (word op beide letters geplaas)
  • Jy moet óf rooi óf blou kies.
  • Nóg dit, nóg dat.
  • André (Name is 'n uitsondering. "André" word met die aksentteken gespel, maar 'n akuut-aksentteken word gebruik, nie die gravis nie)

ASCII kodes[wysig]

Kleinletters Hoofletters
á 160 / 0225 Á 0193
é 130 / 0233 É 144 / 0201
í 161 / 0237 Í 0205
ó 162 / 0243 Ó 0211
ú 163 / 0250 Ú 0218

Hou die Alt-sleutel in terwyl hierdie syfers ingesleutel word.

In Microsoft Word kan jy Ctrl en ' druk en dan die letter.

'n Ander alternatief is ook om op die Windowsknoppie links onder te druk en in die soekblokkie "character" te tik en enter te druk. Daar kan feitlik enige simbool verkry word.

Sien ook[wysig]