Alaotra-dobbertjie

in Wikipedia, die vrye ensiklopedie
Spring na: navigasie, soek
Alaotra-dobbertjie
Bewaringstatus
Wetenskaplike klassifikasie
Koninkryk: Animalia
Filum: Chordata
Klas: Aves
Orde: Podicipediformes
Familie: Podicipedidae
Genus: Tachybaptus
Spesie: T. rufolavatus
Binomiale naam
Tachybaptus rufolavatus
(Delacour, 1932)

Die Alaotra-dobbertjie (Tachybaptus rufolavatus) was 'n Malagassiese dobbertjie wat op die Alaotra-meer in Madagaskar en ook die omliggende mere voorgekom het. Die voël is vir die laaste keer in 1985 gesien en is in Mei 2010 as uitgesterf verklaar.[2][3] Die bevolkings van die Alaotra-dobbertjie het gedurende die 20ste eeu afgeneem, hoofsaaklik te wyte aan stroping, habitatvernietiging en roofdiere.

Hierdie dobbertjies was middelgrootte voëls met klein vlerke - die vlerke was so klein dat daar geglo word dat hulle nie ver kon vlieg nie, wat moontlik tot hul klein verspreidingsgebied bygedra het.

In Desember 1982 is twaalf Alaotra-dobbertjies op die Alaotra-meer gesien en twee ander weer in September 1985. Voëls wat as Alaotra-dobbertjies beskryf is, is ook in 1985, 1986 en 1988 gesien, maar daar word geglo dat hierdie voëls basters was wat met 'n ander dobbertjiespesies gekruis was. Ondersoeke in 1999 en 2000 kon geen ander individue vind nie en die voëls is sedertdien as waarskynlik uitgesterf beskou. Met 'n opdatering van die IUBN se Rooi Lys van Bedreigde Spesies is die voël op 26 Mei 2010 amptelik as uitgesterf verklaar.

Vissersnette was moontlik die laaste knou vir die Alaotra-dobbertjiebevolking, maar reeds voor die ingebruikneming van hierdie nette het geïntroduseerde roofvisse en ander soogdiere, visse en plante ook tot die kwyning van die voëls bygedra, deur predasie op die dobbertjies self of op hul voedselbronne. Stroping het ook 'n rol in die uitwissing van die spesie gespeel.

Aangesien uitgebreide navorsing nodig is om die bedreigingstatus van 'n spesie vas te stel, word meeste spesies eers jare na hulle verdwyning as amptelik uitgesterf verklaar.

Sien ook[wysig]

Bronnelys en verwysings[wysig]

  1. BirdLife International (2008). Tachybaptus rufolavatus. 2008 IUBN Rooi Lys van bedreigde spesies. Internasionale Unie vir die Bewaring van die Natuur 2008. Verkry op 22 Februarie 2010.
  2. BirdLife International (2010) Species factsheet: Tachybaptus rufolavatus. Verkry van http://www.birdlife.org op 26/5/2010
  3. BirdLife International (2010). Wetland aliens cause bird extinction. Verkry op 26 Mei 2010 van http://www.birdlife.org/news/news/2010/05/red-list-for-birds-2010.html