Albrecht I van Brandenburg

Die seël van Albrecht I dra die randskrif Adelbertus D(e)i gr(ati)a marchio (in Brandenborch)

'n Monument ter ere van Albrecht I is in die Sitadel van Spandau in Berlyn opgerig

Albrecht I van Brandenburg, ook bekend onder sy bynaam Albrecht die Beer of as Albrecht von Ballenstedt (* omstreeks 1100; † 18 November 1170 in Stendal), het as heerser van die Askaniër-dinastie in 1157 die Mark Brandenburg gestig en as sy eerste markgraaf geregeer.

Albrecht het die vestiging van Duitse setlaars in die ooste bevorder en die gewes Nordmark, wat tydens die Groot Slawiese Opstand in 983 verlore gegaan het, as Mark Brandenburg weer by die Heilige Romeinse Ryk ingelyf.