Aldi
| Aldi Nord/Aldi Süd | |
| Tipe | Aldi Nord: GmbH & Co. oHG Aldi Süd: GmbH & Co. oHG Streeksfiliale: GmbH & Co. KG (Duitsland), AG (Switserland) |
|---|---|
| Gestig | 1913 |
| Hoofkantoor | Essen (Aldi Nord) Mülheim/Ruhr (Aldi Süd), Duitsland |
| Industrie | Voedselhandel |
| Inkomste | 40,59 miljard € (2008) |
| Webwerf | aldi.com |
Aldi ('n afkorting van Albrecht-Discount, "Albrecht-afslagwinkel") is 'n Duitse supermarkketting wat in 1946 in Mülheim an der Ruhr in die deelstaat Noordryn-Wesfale deur die broers Karl (* 1920) en Theo Albrecht (1922-2010) gestig is. Die onderneming is later opgesplits in Aldi Nord (bestuur deur Theo) en Aldi Süd (bestuur deur Karl). Buitelandse dogtermaatskappye het in Europa en oorsee (Verenigde State en Australië) ontstaan.
Aldi het sy groot sukses in die kleinhandelsbedryf aan sy innoverende konsep te danke - met 'n beperkte verskeidenheid wat hoofsaaklik uit generiese produkte van hoë gehalte bestaan en wat gewoonlik sowat die helfte minder kos as vergelykbare handelsmerke, eenvoudig toegeruste winkels, 'n voortdurend geoptimeerde logistiek en 'n weeklikse aanbod van nie-voedselprodukte soos tekstiele, elektroniese verbruikersware en ander teen lae pryse.
