Alexanderbaai

in Wikipedia, die vrye ensiklopedie
Spring na: navigasie, soek
Alexanderbaai
Ligging van Alexanderbaai op 'n kaart (Noord-Kaap)
Alexanderbaai
Alexanderbaai
 Alexanderbaai se ligging in Noord-Kaap
Koördinate: 28°35′S 16°29′O Koördinate: 28°35′S 16°29′O
Land Vlag van Suid-Afrika Suid-Afrika
Provinsie Noord-Kaap
Distrik Namakwa
Munisipaliteit Richtersveld
Stigting 1836
Oppervlak[1]
 - Dorp 9,25 km²  (3,6 vk m)
Bevolking (2011)[1]
 - Dorp 1 736
 - Digtheid 188/km² (486,9/myl2)
Ras (2011)[1]
 • Swart 9.7%
 • Kleurling 74.7%
 • Indiër/Asiër 0.1%
 • Blank 15.2%
 • Ander 0.2%
Taal (2011)[1]
 • Afrikaans 92.7%
 • Xhosa 2.6%
 • Engels 1.5%
 • Ander 3.2%
Poskode (straat) 8290
Poskode (posbus) 8290
Skakelkode(s) 027

Alexanderbaai (Engels: Alexander Bay) is 'n diamantmyndorp geleë in die mees noordwestelike hoek van Suid-Afrika, in die Noord-Kaap, sowat 10 km suid van Oranjemund, wat aan die noordoewer van die Oranjerivier in Namibië geleë is. Die dorp is ook 'n grenspos met Namibië.

Die gebied om die dorp bevat die rykste neerslae alluviale (spoel-) diamante ter wêreld. Dit was egter koper wat tot die ontstaan van die dorp aanleiding gegee het, toe James Alexander, die vader van die koperbedryf in Namakwaland, koper op vragskuite hierheen laat dryf het om op skepe in die baai te laai. Dié stelsel was in gebruik tot die smalspoorlyn van Okiep na Port Nolloth in 1876 in gebruik geneem is.

Alexanderbaai het tot 1926 in onbruik verval toe diamante hier ontdek is. Die vonds was so groot dat die regering binne 'n jaar beheer moes oorneem en die hele kusstrook tot by Port Nolloth moes sluit om te verhoed dat die mark oorstroom word. Alexanderbaai was vroeër bekend daarvoor dat hy heeltemal selfversorgend was ten opsigte van groente en vrugte en varswater gelewer het deur verdamping van seewater.

Sien ook[wysig]

Verwysings[wysig]

  1. 1,0 1,1 1,2 1,3 Hoofplek Alexanderbaai”. Sensus 2011.