Alter Bridge

in Wikipedia, die vrye ensiklopedie
Spring na: navigasie, soek
Alter Bridge
Alter bridge logo.gif
Die logo wat die groep op hul CD’s gebruik
Oorsprong Orlando, FL, VSA
Genre(s) Post-grunge, Harde rock
Aktiewe jare 2004-huidig
Uitgewer(s) Wind-Up, Universal Republic, Roadrunner, EMI, DC3 Global
Webwerf Amptelike webblad
Last.fm Alter Bridge
Lede Myles Kennedy
Mark Tremonti
Scott Phillips
Brian Marshall
Assosiasies Creed, The Mayfield Four, Projected
Portal.svg Musiekportaal

Alter Bridge is ’n Amerikaanse rockgroep wat in 2004 gestig is in Orlando deur Mark Tremonti (hoofkitaar), Bryan Marshall (baskitaar), Scott Philips (tromme), destyds voormalige lede van Creed.[1] en Myles Kennedy, voorheen van die groep The Mayfield Four en tans die hoofsanger van Slash se soloprojek. Die groep se naam is ontleen aan ’n werklike brug wat bestaan het in Detroit, Michigan naby waar Tremonti se huis was langs Alterweg.

Ten spyte van Creed se multi-platinum sukses[2] het Alter Bridge se eerste album, One Day Remains, wat in Augustus 2004 op die Wind-Up-etiket vrygestel is, slegs goue status behaal en het gemengde resensie gekry. Na die groep se eerste toer het hulle die kontrak met Wind-up Records laat vaar en in 2006 ’n kontrak met Universal Republic geteken, deur wie hulle tweede album, Blackbird, in Oktober 2007 vrygestel is wat goed ontvang is deur kritici. Die groep het die volgende twee jaar baie getoer en aan ander projekte gewerk voordat hulle in 2010 opnuut byeengekom het om aan hul derde album te werk. AB III, die derde album, is deur resensente aangeprys en is in Oktober 2010 vrygestel deur Roadrunner Records. In Januarie 2011 is die groep se eerste konsertfilm, Live from Amsterdam, vrygestel na twee jaar se gesloer. ’n Tweede konsertfilm, Live at Wembley, is op 26 Maart 2012 vrygestel.

Ten spyte van relatiewe lae hoofstroomsukses en ondersteuning van platemaatskappye, kan Alter Bridge se musiek as suksesvol beskou word en die groep het bekend geword vir die gereelde en uitgebreide toere en hule loyale bewonderaars. Die individuele groeplede werk ook aan ander projekte soos solowerk, Creed en Kennedy se toer saam met Slash en voormalige lede van Led Zeppelin.[3][4] In 2009 het Ultimate Guitar Archive Alter Bridge gelys as die 36ste grootste groep van die dekade.[5]

Inhoud

Geskiedenis [wysig]

Stigting en One Day Remains (2003–2006) [wysig]

Alter Bridge se hoofkitaarspeler en stiter Mark Tremonti, baskitaarspeler Brian Marshall en tromspeler Scott Phillips was lede van Creed saam met die hoofsanger Scott Stapp sedert 1997. Na die vrystelling van twee suksesvolle albums het Marshall die groep in 2000 verlaat, gevolg deur die vrystelling van hulle derde album in 2001. Die groep het in 2003 ’n breek geneem na afloop van ’n kontroversiële toer. Daardie jaar het Tremonti nuwe liedjies begin skryf met die oog op die stigting van ’n nuwe groep met Phillips en Marshall. Hulle het gehou van Myles Kennedy se vorige groep, The Mayfield Four en het vir Kennedy genooi om as die nuwe hoofsanger op te tree.[6] Hulle het die nuwe groep Alter Bridge genoem na ’n werklike brug wat bestaan het naby Tremonti se huis langs Alterweg in Detroit, en het daarna begin met opnames vir hul debuutalbum.[7]

Creed het hul ontbinding in Junie 2004 aangekondig en kreatiewe verskille en toenemende spanning tussen Stapp an die ander groeplede as redes aangevoer.[8] Die stigting van Alter Bridge en van hul debuutalbum en die album se eerste enkelspeler, “Open Your Eyes”, het saamgeval met hierdie aankondiging. Die groeplede het gevoel dat Creed sy eindpunt bereik het en was vasberade om te fokus op hulle toekoms met die nuwe sanger.[6] Alter Bridge se debuutalbum, One Day Remains is op 10 Augustus 2004 vrygestel deur Wind-up Records en het gemengde resensies ontvang.[9][10] Die album is vervaardig deur Ben Grosse (wat ook albums vir kunstenaars soos Filter, Fuel en Sevendust vervaardig het),[7] en het 750,000 eksemplare wêreldwyd verkoop en slegs goue status bereik,[11] baie minder as die multi-platinum sukses wat Creed bereik het. Dit #5 op die Billboard 200 bereik en vir veertien weke daar gebly.[12] Na “Open Your Eyes,” is nog twee enkelspeler van die album vrygestel: “Find the Real” en “Broken Wings.” Hierdie album is ook die enigste waarop Kennedy nie kitaar speel nie aangesien die album naby aan klaar was teen die tyd wat Kennedy by die groep aangesluit het. Kennedy het wel op toer met verskeie liedjies saamgespeel. Al die musiek en die meeste van die lirieke is deur Tremonti geskryf met Kennedy wat van die oorblywende liedjies se lirieke self geskryf het of ten minste gehelp skryf het.[13]

Verskeie liedjies van One Day Remains het ’n affiliasie met WWE gevestig, “Metalingus” in besonder aangesien dit deur voormalige WWE-superster Edge in 2004 aangeneem is as sy intreelied en dit het so gebly tot sy uittrede in 2011. Alter Bridge het later saam met Edge in ’n agter-die-skerms-insetsel verskyn in ’n episode van WWE Raw in 2005.[14] Alter Bridge het in 2005 ook ’n buitengewone instrumentale lied getiteld “Ahavo Rabo Taco Salad” vrygestel vir Total Guitar-tydskrif. Dit was aanvanklik slegs ’n projek van Tremonti maar die res van die groep het hulle by hom aangesluit.[15] ’n Lied getiteld “Save Me” is ingesluit in die klankbaan vir die rolprent Elektra in 2005.[16] Die klankbaan vir ’n ander rolprent van Marvel, Fantastic Four het ook ’n lied van Alter Bridge, “Shed My Skin,” ingesluit.[17] Daardie jaar het die groep ’n EP, Fan EP, vrygestel met vier liedjies op wat hulle as ’n promosionele CD in Europa gebruik het.

Groeplede [wysig]

Diskografie [wysig]

Verwysings [wysig]

  1. ↑ (en) Alter Bridge op Allmisuc
  2. ↑ (en) Creed op Allmusic
  3. ↑ (en) Herndon, Jessica, "Groep Creed Herenig vir Nuwe Album", People, 27 April 2009. URL besoek op 29 April 2009.
  4. ↑ (en) Steve Sauer (16 Desember 2009). “Eksklusiewe onderhoud: Myles Kennedy verheug om met Zeppelin-lede te geskryf het”. LedZeppelinNews.com. URL besoek op 2010.
  5. ↑ (en) Amy Kelly (24 Desember 2009). “Die Toptien Groepe Van Die Dekade: Metal Heers Steeds Hoogste”. Ultimate Guitar Archive.
  6. ↑ 6,0 6,1 (en) Joe D'Angelo (8 Junie 2004). “Lewe na Creed: Alter Bridge kyk na ’n Stapp-vrye toekoms”. MTV News.
  7. ↑ 7,0 7,1 (en) “Alter Bridge”. VH1.
  8. ↑ (en) Joe D'Angelo (4 Junie 2004). “Mark Tremonti blameer spanning tussen groep, sanger Scott Stapp.”. MTV.
  9. ↑ (en) Johnny Loftus. “One Day Remains - Alter Bridge”. Allmusic.
  10. ↑ (en) Scott Shelter. “Alter Bridge: One Day Remains”. Slant Magazine.
  11. ↑ (en) “RIAA Soekbare databasis – Goud en Platinum”. Opname-industrievereniging van Amerika. URL besoek op 29 Augustus 2010.
  12. ↑ (en) “Alter Bridge Album- & Liedaanwysergeskiedenis”. Billboard.
  13. ↑ (en) Russ Breimeier. “One Day Remains, Christelike musiekoorsig”. The Fish.
  14. ↑ (en) “WWE RAW UITSLAE”. 29 Augustus 2005.
  15. ↑ (en) “Alter Bridge Biografie by ActiveMusician”. AciveMusician.
  16. ↑ (en) “Elektra: Die Album Klankbaan CD”. Marvel Comics.
  17. ↑ (en) “Fantastic Four - Die Album Klankbaan”. Amazon.com.

Eksterne skakels [wysig]

Commons-logo.svg
Wikimedia Commons het meer media verwant aan:
Alter Bridge (kategorie)
Ontsluit van "http://af.wikipedia.org/w/index.php?title=Alter_Bridge&oldid=1128161"