American Atheists
American Atheists is 'n Amerikaanse organisasie wat hom vir die verdediging van die burgerlike vryheide van ateïste beywer en vir die volledige skeiding van kerk en staat pleit. Die organisasie verskaf sprekers wat by kolleges, universiteite, klubs en die nuusmedia optree en gee ook boeke en die maandelikse tydskrif American Atheist Magazine uit. Die organisasie het tans sowat 2 200 lede, en sy hoofkwartier is in Cranford (deelstaat New Jersey).
Oorsprong en vroeë geregtelike stappe[wysig | wysig bron]
Die organisasie is oorspronklik in 1963 deur Madalyn Murray O'Hair as die Society of Separationists gestig. 'n Aantal regsake oor verpligte skoolgebede in openbare skole het die aanleiding tot die stigting van American Atheists gegee. Die organisasie het oor die jare talle klagte teen openbare instellings ingedien wat na bewering die amptelike skeiding tussen kerk en staat - 'n grondwetlike beginsel in die VSA - verbreek het.
In 1959 het Murray 'n klag namens haar seun William J. Murray ingedien wat gedwing is om Bybellesse op skool by te woon en deur onderwysers en skooladministrateurs gepla is nadat hy geweier het om deel te neem aan die Bybelklasse. Die saak is in Amerikaanse Hooggeregshof aangehoor, en die regters het in hul uitspraak op 17 Junie 1963 met 'n meerderheid van 8 teen 1 stem verpligte skoolgebede en gemeenskaplike Bybellesse in openbare skole as 'n skending van die Establishment Clause in die Eerste Wysiging van die Amerikaanse Grondwet beskou.
In haar openingstoespraak het Murray gesê:
|
An atheist loves himself and his fellow man instead of a god. An atheist thinks that heaven is something for which we should work for now — here on earth — for all men together to enjoy. |
|
