Amstelland

in Wikipedia, die vrye ensiklopedie
Spring na: navigasie, soek

Amstelland is die gebied langs die rivier die Amstel (Na Aeme-stelle, 'n oud-Nederlandse woord vir "waterachtig gebied") 'n gekanaliseerde rivier in die suide van Noord-Holland.

Geskiedenis[wysig]

In die Middeleeue word die gebied deel van die kultuurstelsel. Die oudste nedersetting is die huidige dorp Ouderkerk aan de Amstel wat uit die 11de eeu dateer.

Met die verloop van tyd begin die bevolking vanaf die rivier veen uit te grawe: die afgesteekte grond is tot turf verwerk en as brandstof gebruik. Die veenwerkersgehug Amstelveen het waarskynlik in die veengebied ten weste van Ouderkerk in ongeveer die begin van die dertiende eeu so ontstaan.

Deur die aanleg van 'n dam in die monding van die rivier ontwikkel daar in die noordelike deel van Nieuwer-Amstel die vissersdorpie "Amstelredam", wat in ongeveer 1300 stadsregte verwerf. Die gehug groei tot die stadjie Amsteldam, wat as gevolg van die ligging daarvan aan die Zuiderzee algaande belangriker word.

Die gebied Amstel word verdeel in Ouder-Amstel (regteroewer) en Nieuwer-Amstel (linkeroewer). Amsterdam breek later weg om 'n selfstandige stad te word. Uit hierdie klein nedersetting groei die groot stad wat deur die loop die eeue die hele omgewing sou domineer.

Ten tye van die Koninkryk Holland was Amstelland die naam van 'n departement.

In 1896 en 1921 is dele van Nieuwer Amstel deur die gemeente Amsterdam geannekseer en langs die oewers van die Amstel het woonbuurte verskyn (onder andere die Rivierenbuurt). Ten suid van die Utrechtsebrug het die gebied langs die rivier grotendeels vry van bebouing gebly. Dit vorm nou een van die groen wïe (scheggen) van Amsterdam.

Groengebied Amstelland is 'n organisasie wat die landelike gebied by Amstelveen en Ouderkerk beheer.