Ananke-groep

in Wikipedia, die vrye ensiklopedie
Spring na: navigasie, soek
Die diagram vergelyk die wentelbaan-eienskappe en relatiewe grootte van die mane van die Ananke-groep. Die horisontale as illustreer hul gemiddelde afstand van Jupiter af, die vertikale as hul wentelbaan-inklinasie en die sirkels hul relatiewe grootte.

Die Ananke-groep is ’n groep onreëlmatige mane van Jupiter waarvan die wentelbane ooreenstem met dié van die grootste maan in die groep, Ananke, en wat waarskynlik dieselfde oorsprong het.

Die mane se afstand van Jupiter is in die omgewing van 19,3 en 22,7 gigameter. Hulle het ’n inklinasie van tussen 145,7° en 154,8° en ’n eksentrisiteit (afwyking) van tussen 0,02 en 0,28. Die vernaamste lede van groot tot klein is:[1][2]

  • Ananke
  • Praxidike
  • Iocaste
  • Harpalyke
  • Thyone
  • Euanthe
  • Euporie

Die Internasionale Astronomiese Unie (IAU) gee name wat op "e" eindig aan die mane in dié groep.

Oorsprong[wysig]

Die Ananke-groep het vermoedelik ontstaan tydens ’n botsing van ’n asteroïde wat in Jupiter se wentelbaan vasgevang is. Die oorspronklike voorwerp was vermoedelik so groot soos Ananke, wat die grootste deel van die oorspronklike massa behou het.[3] Drie van die mane het ook dieselfde grys kleur, terwyl Ananke self op die grens tussen grys en ligrooi is.[4]

Verwysings[wysig]

  1. Scott S. Sheppard, David C. Jewitt, Carolyn Porco, "Jupiter's outer satellites and Trojans", Jupiter. The planet, satellites and magnetosphere. Red. Fran Bagenal, Timothy E. Dowling, William B. McKinnon. Cambridge planetary science, Vol. 1, Cambridge, VK: Cambridge University Press, ISBN 0-521-81808-7, 2004, p. 263 – 280 Volle teks (pdf).
  2. David Nesvorný, Cristian Beaugé, Luke Dones, "Collisional Origin of Families of Irregular Satellites", The Astronomical Journal, 127 (2004), ble. 1768–1783 Volle teks.
  3. Scott S. Sheppard; Jewitt, David C. (5 Mei 2003). “An abundant population of small irregular satellites around Jupiter”. Nature 423 (6937): 261–263. DOI:10.1038/nature01584. (pdf).
  4. Grav, Tommy; Holman, Matthew J.; Gladman, Brett J.; Aksnes, Kaare, "Photometric survey of the irregular satellites", Icarus, 166,(2003), ble. 33-45. Preprint


Crystal txt.png Hierdie artikel is vertaal uit die Engelse Wikipedia