Anastasius II van Bisantium

in Wikipedia, die vrye ensiklopedie
Spring na: navigasie, soek
Anastasius II
Keiser van die Bisantynse Ryk
’n Muntstuk wat Anastasius II uitbeeld.
’n Muntstuk wat Anastasius II uitbeeld.
Bewind 713715
Geboortenaam Artemios
Tydperk 20 jaar van anargie
Oorlede 719
Voorganger Philippikos
Opvolger Theodosius III

Anastasius II (Grieks: Ἀναστάσιος Β΄, Anastasios; oorl. 719) was die Bisantynse keiser van 713 tot 715. Sy oorspronklike naam was Artemios.

Hy was die hoofsekretaris van keiser Philippikos toe dié in Mei 713 in ’n opstand van die troon afgesit is. Philippikos is verblind en Artemios is keiser gemaak. Hy het regeer as Anastasius II. Kort nadat hy die bewind oorgeneem het, het hy die offisiere wat direk by die opstand teen Philippikos betrokke was, laat teregstel.

Die invallende Moslems het die ryk op see en land bedreig en in 714 tot by Galasië gevorder. Anastasius het die vrede op ’n diplomatieke manier probeer bewaar. Dit het egter misluk en hy het die mure van Konstantinopel laat versterk en ’n nuwe vloot laat bou. Met die dood van kalief al-Walid I in 715 het Anastasius van die geleentheid gebruik gemaak om die bordjies te verhang. Hy het sy soldate opdrag gegee om nie net die vyand teen te staan nie, maar hul vloot te vernietig. Hy het ’n leër onder Leo die Isauriër na Sirië gestuur om dit te verower.

Daar was egter ’n opstand deur soldate teen die keiser se streng maatreëls. Hulle het Theodosius, ’n belastinggaarder van lae afkoms, tot keiser verklaar en Anastasius, wat gevlug het, is na ’n klooster in Thessalonika gestuur om af te tree. In 719 het Anastasius ’n opstand gelei teen Leo III, wat Theodosius opgevolg het, maar dit het misluk en Anastasius is tereggestel.

Bronne[wysig]

  • The Oxford Dictionary of Byzantium, Oxford University Press, 1991.
  • Chisholm, Hugh, red. (1911). Encyclopædia Britannica (11de uitg.). Cambridge University Press.
Keisers van die Bisantynse Ryk
Palaiologos-Dynasty-Eagle.svg
Konstantyn die GroteConstantius IIConstans IJulianusJovianusValentinianus IValensGratianusTheodosius IArcadiusTheodosius IIMarcianusLeo ILeo IIZenoBasiliscusAnatasius IJustinus IJustinianus IJustinus IITiberius IIMauriciusPhokasHerakleiosKonstantyn IIIHeraklonasConstans IIKonstantyn IVJustinianus IILeontiosTiberius IIIJustinianus IIPhilippikosAnastasius IITheodosius IIILeo IIIKonstantyn VArtabasdosLeo IVKonstantyn VIIreneNikephoros IStaurakiosMichael ILeo VMichael IITheophilusMichael IIIBasilius ILeo VIAlexanderKonstantyn VIIRomanos IRomanos IINikephoros IIJohannes IBasilius IIKonstantyn VIIIZoëRomanos IIIMichael IVMichael VTheodoraKonstantyn IXMichael VIIsak IKonstantyn XMichael VIIRomanos IVNikephoros IIIAlexios IJohannes IIManuel IAlexios IIAndronikos IIsak IIAlexios IIIIsak IIAlexios IVAlexios VTheodoros IJohannes IIITheodoros IIJohannes IVMichael VIIIAndronikos IIAndronikos IIIJohannes VJohannes VIAndronikos IVJohannes VJohannes VIIJohannes VManuel IIJohannes VIIIKonstantyn XI