Andamanse See

in Wikipedia, die vrye ensiklopedie
Spring na: navigasie, soek
Kaart wat die ligging van die See aandui

Die Andamanse See (Hindi: अंडमान सागर, Burmees: မုတ္တမ; Thai: ทะเลอันดามัน) of Burmese See is 'n waterliggaam in die noordelike Indiese Oseaan, suidoos van die Baai van Bengale, suid van Mianmar, wes van Thailand en oos van die Andamaneilande. Die see is ongeveer 1200 kilometer lank (noord-suid) en 650 kilometer wyd (oos-wes), met 'n oppervlak van 797 700 km². Die gemiddelde diepte daarvan is 870 meter, en die maksimum diepte is 3 777 meter.

By die see se suidoostelike punt word dit nouer om die Straat van Malakka te vorm wat die Malei Skiereiland van die eiland Sumatra skei.

Die Andaman See is biologies ryk aan diversiteit en veelheid. Thailand se bes bewaarde en mees ekstensiewe koraalriwwe kom in die Andamanse See voor, veral in die Surineilande. Hoewel die see slegs 'n derde van Thailand se kuslyn beslaan, kom meer as die helfte van die land se koraalriwwe daarin voor. Meer as 210 koraal spesies en 100 rifvisspesies is in die see aangeteken.

Seebodemtektonika[wysig]

Die Andamanse See met die tektoniese plaatgrense sigbaar

Die grens tussen twee tektoniese plate, die Birmaplaat en die Sundaplaat loop in 'n noord-suid lyn op die seebodem van die Andamanse See. Daar word geglo dat die plate (of mikroplate) vroeër deel gevorm het van die groter Eurasiese Plaat, maar dat dit gevorm is toe transformasiefoutaktiwiteit vererger het soos die Indiese Plaat se substantiewe botsing met die Eurasiese kontinent begin het.

As gevolg hiervan is 'n seebodemuitspreding sentrum geskep wat die marginale bekken begin vorm het wat tot die Andamanse See ontwikkel het. Die huidige stadoium het ongveer 3-4 miljoen jaar gelede begin.

Vulkaanaktiwiteit[wysig]

Die Barren-Eilande is 'n aktiewe vulkaan in die Andamanse See oos van die hoof Groot Andaman eiland groep. Dit is die enigste tans aktiewe vulkaan geassosieer met die Indiese subkontinent. Die vulkaanaktiwiteit is te wyte aan die volgehoue subduksie van die Indiëplaat onder die Andaman-eilandboog wat magma dwing om in die omgewing van die Birmaplaat te styg. Die vulkaniese eiland Narcondam, wat verder noord geleë is, is ook deur die proses geskep, maar dit was nie onlangs aktief nie.