Angela Merkel

in Wikipedia, die vrye ensiklopedie
Angela Merkel
Angela Merkel
Angela Merkel in 2010

Bondskanselier van Duitsland
Ampstermyn
22 November 2005 – 8 Desember 2021
Vise Franz Müntefering
Frank-Walter Steinmeier
Guido Westerwelle
Philipp Rösler
Sigmar Gabriel
Olaf Scholz
President Horst Köhler
Christian Wulff
Joachim Gauck
Frank-Walter Steinmeier
Voorafgegaan deur Gerhard Schröder
Opgevolg deur Olaf Scholz

Leier van die Opposisie
Ampstermyn
22 September 2002 – 21 November 2005
Vise Michael Glos
Kanselier Gerhard Schröder
Voorafgegaan deur Friedrich Merz
Opgevolg deur Wolfgang Gerhardt

Minister van die Omgewingsake, Natuurbewaring en Kernreaktorveiligheid
Ampstermyn
17 November 1994 – 26 Oktober 1998
Voorafgegaan deur Klaus Töpfer
Opgevolg deur Jürgen Trittin

Minister vir Vroue- en Jeugsake
Ampstermyn
18 Januarie 1991 – 17 November 1994
Voorafgegaan deur Hannelore Rönsch
Opgevolg deur Claudia Nolte

Persoonlike besonderhede
Gebore Angela Dorothea Kasner
17 Julie 1954 (1954-07-17) (69 jaar oud)
Hamburg, Wes-Duitsland
Nasionaliteit Vlag van Duitsland Duitsland
Politieke party Christelik-Demokratiese Unie (CDU)
Ouers Horst Kasner (vader)
Eggenoot/-note Ulrich Merkel (1977–1982 geskei)
Joachim Sauer (1998-nou)
Alma mater Universiteit van Leipzig
Religie Luthers
Handtekening

Angela Dorothea Merkel (Duits: [ˈaŋɡela doʁoˈteːa ˈmɛʁkl̩], ; gebore op 17 Julie 1954 in Hamburg) het van 22 November 2005 tot en met 8 Desember 2021 as eerste minister ("bondskanselier") van Duitsland gedien.

Merkel was 'n Oos-Duitse fisikus en begin haar politieke loopbaan na die Duitse hereniging in die politieke party die Christelik-Demokratiese Unie (CDU). In die tydperk tussen 1991 en 1994 beklee sy die amp van Minister van Gesin-, Bejaarde- en Jeugsake. Van 1994 tot 1998 is sy Minister van Omgewingsake, Natuurbewaring en Kernreaktorveiligheid.

In 2000 was sy die eerste vrou wat as voorsitter van die CDU verkies is, en was van 2005 tot 2021 die eerste vroulike regeringshoof van Duitsland.

Buitelandse beleid[wysig | wysig bron]

Bondskanselier Merkel se besluit om een miljoen Islamitiese vlugtelinge uit Sirië te aanvaar het net soos Duitsland se beleid om ekonomiese welvaart in die binneland deur 'n massiewe handelsoorskot met ander lande te waarborg volgens sommige deskundiges tot die land se toenemende politieke isolasie in Europese en wêreldkonteks gelei.[1] Merkel se beleid vir 'n Europese oplossing van die kwessie word egter deur die konserwatiewe kanselier van Oostenryk, Sebastian Kurz, ondersteun.[2] Ook die Franse president, Emmanuel Macron, het sy ondersteuning aangekondig.[3]

Biografiese oorsig[wysig | wysig bron]

  • 1954 – Angela Merkel word op 17 Julie as Angela Dorothea Kasner in Hamburg gebore. Haar ouers vestig hulle in die Duitse Demokratiese Republiek (DDR)
  • 1957 tot 1973 – Angela Merkel word groot in Templin (Brandenburg), waar sy ook skool gaan.
  • 1973 tot 1978 – Studeer in Fisika aan die Universiteit van Leipzig.
  • 1978 tot 1990 – Werk as natuurkundige aan die Sentrale Instituut vir Fisiese Chemie (Zentralinstitut für Physische Chemie) in Berlyn-Adlershof.
  • 1989 – Vanaf Desember medewerker by die politieke party Demokratischer Aufbruch.
  • 1990 – Ná die Volkskammer-verkiesing van 18 Maart 1990 skakelbeampte vir die kabinet van die Eerste Minister van die DDR, Lothar de Maizière. Ná die Duitse verkiesing op 2 Desember 1990 lid van die Duitse parlement (Christelik-Demokratiese Unie, CDU).
  • 1991 tot 1994 – Minister vir Vroue- en Jeugsake in die kabinet van bondskanselier Helmut Kohl. In Desember ook tot adjunkvoorsitter van die CDU gekies.
  • 1993 tot 2000 – Voorsitter van die CDU in die deelstaat Mecklenburg-Voorpommeren.
  • 1994 tot 1998 – Ná die verkiesing op 16 Oktober 1994 Minister vir Omgewingsake, Natuurbewaring en Veiligheid van Kernkragsentrales.
  • 1998 tot 2000 – Ná die verkiesing op 27 September 1998 vanaf November sekretaris-generaal van die CDU.
  • 2000 – Voorsitter van die CDU.
  • 2002 tot 2005 – Ná die verkiesing op 22 September 2002 voorsitter van die CDU in die Duitse parlement.
  • 2005 – 2021 – Ná die verkiesing op 18 September word Merkel op 22 November die eerste vroulike bondskanselier van Duitsland.

Verwysings[wysig | wysig bron]

  1. "Historiker rechnet mit Merkel ab: "Deutschland so isoliert wie seit dem Zweiten Weltkrieg nicht mehr"." (in Duits). Huffington Post. 3 Maart 2016. Geargiveer vanaf die oorspronklike op 18 Januarie 2019. Besoek op 10 Junie 2018.
  2. "Germany's Angela Merkel gets support on migration from Austria's Sebastian Kurz" (in Engels). Deutsche Welle. 12 Junie 2018. Geargiveer vanaf die oorspronklike op 9 Oktober 2019. Besoek op 24 Junie 2018.
  3. "Macron unterstützt Merkel in der Asylpolitik" (in Duits). Frankfurter Allgemeine Zeitung. 19 Junie 2018. Geargiveer vanaf die oorspronklike op 29 Junie 2018. Besoek op 24 Junie 2018.

Eksterne skakels[wysig | wysig bron]