Anna M. Louw

in Wikipedia, die vrye ensiklopedie
Spring na: navigasie, soek
Anna M. Louw
Gebore 31 Desember 1913
Calvinia, Kaapkolonie
Oorlede 12 Junie 2003
Rondebosch, Kaapstad
Nasionaliteit Suid-Afrika
Beroep Skrywer
Bekend vir Romans
Eerbewyse Hertzogprys, Olive Schreiner-prys
Kind(ers) Wendy, Nicholas, Elizabeth, Christina en Editha

Anna M. Louw (31 Desember 1913 tot 12 Junie 2003) was 'n Afrikaanse skrywer en 'n wenner van die Hertzogprys.

Biografie[wysig]

Sy is naby Calvinia in die destydse Kaapkolonie gebore. Na hoërskool studeer sy aan die Universiteit van Stellenbosch, met hoofvakke Engels, Afrikaans, Nederlands, Duits, Frans en Sielkunde. Na universiteit trou sy met Lewis Hurst. Die egpaar gaan woon twee jaar in New York.

Met haar terugkeer na Suid-Afrika behaal sy 'n verdere baccalaureus-graad aan die Universiteit van Kaapstad. Sy skei van haar eerste man, en begin te skryf -- aanvanklik tydskrifartikels en kortverhale wat in die Sarie gepubliseer is -- kort na haar huwelik met Gerhard Bassel. Die egpaar reis baie rond, onder meer in Europa en Meksiko.

Sy het vyf kinders gehad, Wendy, Nicholas en Elizabeth vanuit haar eerste huwelik; en 'n tweeling, Christina en Editha met haar tweede man.

Sy verower die Olive Schreiner-prys vir Prosa in 1964, vir Twenty Days That Autumn; die Scheepersprys vir Jeugliteratuur in 1968 vir Die voortreflike familie Smit; die W.A. Hofmeyr-prys in 1971 vir Die groot gryse; die Hertzogprys in 1976 vir Kroniek van Perdepoort, asook die W.A.Hofmeyer-prys en die CNA-prys in 1977 vir dieselfde werk.

Sy word deur vooraanstaande akademici as een van die belangrikste Afrikaanse romanskrywers beskou. Die ewige stryd tussen die goeie en die bose word besonder kreatief in haar werk ontplooi, en sy word geloof vir haar wegbreking vanaf die literêre tradisie van plaaslike realisme.

Sy sterf in Rondebosch, Kaapstad.

Bibliografie[wysig]

  • Die onverdeelde uur, 1956
  • Die koms van die komeet, 1957
  • Agter my 'n Albatros, ('n reisjoenaal) 1959
  • Die voortreflike familie Smit, 1962
  • Twenty Days That Autumn; 21st March – 9th April 1960; a novel, 1963
  • Die banneling: die lyfwag, 1964
  • Oom Kolie gee raad, (drie dramas) 1965
  • Díe wat met die fluite loop, 1967
  • Die groot gryse, 1968
  • Gesëende dag, 1969
  • Kroniek van Perdepoort, 1975
  • Die derde tempel, 1978
  • Op die rug van die tier, 1981
  • Die loop van die rivier, 1986
  • Wolftyd, 1991
  • Die donker kind, 1996
  • Vos, 1999

Bron[wysig]