Anne-Sophie Mutter

in Wikipedia, die vrye ensiklopedie
Anne-Sophie Mutter
Agtergrondinligting
Gebore29 Junie 1963 (1963-06-29) (60 jaar oud)
Rheinfelden (Wes-Duitsland)
GenresKlassiek
Beroep(e)Violis
InstrumenteViolin
Jare aktief1976 – hede
Webwerfanne-sophie-mutter.de

Anne-Sophie Mutter (* 29 Junie 1963 in Rheinfelden in die streek Baden van die Duitse deelstaat Baden-Württemberg) is 'n wêreldberoemde Duitse violiste.

Loopbaanbegin en privaatlewe[wysig | wysig bron]

Anne-Sophie Mutter het in die Baden-Württembergse dorp Wehr grootgeword. Sy wou reeds op die ouderdom van vyf vioolonderrig neem. Nadat sy na slegs 'n halwe jaar onderrig reeds 'n kompetisie gewen het, was dit duidelik dat sy 'n beroepsmusikus sou word. Sy is daarna van skoolplig bevry en het naas klavier- en vioolonderrig private skoolonderrig ontvang. Die Duitse musiekkompetisie "Jugend musiziert" (die jeug maak musiek) het sy telkens gewen. Haar debuut met die Berliner Philharmoniker onder leiding van Herbert von Karajan het tydens die Salzburgse Pfingstkonzerte (Pinksterkonserte) van 1977 plaasgevind. Sy het by hierdie geleentheid as dertienjarige Mozart se Vioolkonsert in G-majeur gespeel en daarmee die kritici van haar bewus gemaak.

Anne-Sophie Mutter was vanaf 1989 tot met sy dood in 1995 met die prokureur Detlev Wunderlich getroud. Vanaf 2002 tot 2006 was sy met André Previn getroud. Sy het twee kinders uit haar eerste huwelik en woon in München.

Wêreldberoemde violiste[wysig | wysig bron]

Haar opnames in die tagtigerjare met Herbert von Karajan het haar wêreldberoemd gemaak. Sy beskou Herbert von Karajan nog altyd as dié dirigent.[1] Anne-Sophie Mutter besit twee Stradivari-viole.

Anne-Sophie Mutter geld nog altyd as een van die beste (indien nie die beste nie) violiste ter wêreld. Onlangse groot projekte was haar opnames van Mozart-werke tydens die Mozart-jaar 2005 en van Mendelssohn-werke in die Mendelssohn-jaar 2009.

Pryse[wysig | wysig bron]

Anne-Sophie Mutter het verskeie pryse gewen.

Liefdadigheid[wysig | wysig bron]

Benewens die ondersteuning van belowende jong kunstenaars (soos Ye-Eun Choi en Roman Patkoló) is Anne-Sophie Mutter by verskeie liefdadigheidsprojekte betrokke. Een daarvan is 'n kinderhuis in Roemenië vir jong weesdogters om hulle veral van moontlike prostitusie te red.

Verwysings[wysig | wysig bron]

Eksterne skakels[wysig | wysig bron]