Antártica Chilena

in Wikipedia, die vrye ensiklopedie
(Aangestuur vanaf Antártica Chilena Provinsie)
Spring na: navigasie, soek
Antártica Chilena
Provincia de la Antártica Chilena
(Spaans)
Flag of Magallanes, Chile.svg Coat of arms of Magallanes, Chile.svg
(Vlag van Antártica Chilena) (Wapen van Antártica Chilena)
Nasionale leuse: Geen
Kaart van geëiste gebiede op Antarktika
Kaart van geëiste gebiede op Antarktika
Ligging van Antártica Chilena op Antarktika
Ligging van Antártica Chilena op Antarktika
Amptelike tale Spaans
Hoofstad Puerto Williams
Grootste stad Puerto Williams
Eerste Minister Nelson Cárcamo
Oppervlakte
 - Totaal
1 256 853,7 vk km
Bevolking
 - Totaal (2002)
 - Bevolkingsdigtheid
2 392
0/vk km
Geldeenheid Chileense peso (chil$) (CLP)
Tydsone UTC: UTC -4
Volkslied Himno Nacional

Antártica Chilena (Spaans: Provincia de la Antártica Chilena) is 'n provinsie van Chili in die mees suidelike streek van Magallanes – een van vier provinsies in die gebied. Die hoofstad is Puerto Williams. Die provinsie is omtrent 1 250 000 km² groot, wat dit byna twee keer so groot soos al die ander Chileense provinsies tesame maak. Die provinsie word verdeel in twee munisipaliteite (comunas):

  • comuna de Cabo de Hornos (voorheen Navarino, hoofstad Puerto Williams), oppervlak 14 146 km2, bevolking volgens 2002 sensus: 2 262, waarvan 1 952 in die hoofstad woon;
  • comuna de la Antártica (hoofstad Puerto Covadonga, wat die burgerlike naam is vir die Base General Bernardo O’Higgins Riquelme, die hoof Antarktiese basis van Chile), oppervlak 1 236 000 km2, bevolking: sien onder.

Slegs die "comuna de Cabo de Hornos" word onbetwis as deel van Chile erken. Dit bestaan uit 'n paar eilande in die Noorde van die provinsie, Noord van die Drake-seestraat, Suid van Vuurland, insluitend die eiland Navarino waar die provinsiale hoofstad Puerto Williams op die Beaglekanaal 15 km oorkant Ushuaia geleë is.

Die "comuna de la Antártica", wat die grootste deel van die oppervlak van die provinsie uitmaak, word betwis aangesien dit die Chileense sektor van Antarktika is wat tot by die Suidpool strek, wat oor die algemeen nie erken word as deel van Chile nie, aangesien dit onderworpe is aan die Antarktiese Verdrag. Dit is so te sê onbewoon, behalwe vir navorsingstasies van verskeie lande. Chile poog egter om die indruk van permanente bewoning van Villa Las Estrellas (naby Base General Bernardo O’Higgins Riquelme) te skep deur die teenwoordigheid van vrouens en kinders, 'n klein skool en selfs 'n bank om die land se gebiedsaanspraak te ondersteun. Die amptelike bevolking vir die gebied volgens die 2002-sensus is 130 (115 manlik, 15 vroulik). Dit sluit nie die personeel van die nie-Chileense basisse in die gebied in nie.

Die Chileense aanspraak is so oud soos Chile. Volgens Chileense argumente vestig die Tordesilhas-lyn die wes-oos skeiding. Tydens die eerste organisering van die nuut verowerde gebiede het die Spaanse Ryk die gobernation van Terra Australis, wat die Suidelike deel van Amerika ingesluit het, Tierra del Fuego-argipel en al die suidelike onontdekte gebiede (Terra Australis Ignota) aan Pero Sancho de la Hoz toegeken. Die gobernation het uiteindelik met die gebiede ander gebiede in die Captaincy General van Chile saamgesmelt.


 
Antarktiese gebiedsaansprake
Flag of Antarctica.svg

Flag of the French Southern and Antarctic Lands.svg Adélieland
Bandera de la Provincia de Tierra del Fuego.svg Argentyns-Antarktika
Flag of Australia.svg Australies-Antarktiese Gebied
Flag of the British Antarctic Territory.svg Brits-Antarktiese Gebied

Flag of Magallanes, Chile.svg Chileens-Antarktika
Flag of New Zealand.svg Ross-Afhanklikheid
Flag of Norway.svg Koningin Maudland · Peter I-Eiland
Flag of German Reich (1935–1945).svg Voormalige aanspraak: Nieu-Swabië  (1939–1945)