Antoniem

'n Antoniem, van die Grieks anti ("teenoorgestelde") en onoma ("naam"), is 'n woordpaar wat teenoorgestelde betekenisse het, soos "dag" en "nag", "warm" en "koud" en "op" en "af".

Antonieme is slegs van toepassing op die betekenis van woorde en nie die werklike konsepte wat die woorde onderlê nie. "Kind" en "ouer" is byvoorbeeld antonieme, maar iemand wat 'n ouer is, mag ook weer 'n ander persoon se kind wees.

Voorbeelde

Voorbeelde van antonieme:

• aan — af
• aanloklik — afstootlik
• aanstel — afdank
• baie — min
• haat — liefde
• opgewonde – hartseer
• siek – gesond
• slaap – wakker
• stilte – geraas
• slaag – druip / faal

Sien ook

• Sinoniem, woorde wat dieselfde betekenis het
• Homofoon, woorde wat eenders klink, maar waarvan die betekenis en spelling verskil
• Homoniem, woorde met dieselfde spelling en wat dieselfde klink, maar met verskillende betekenisse