Arend
| Arend | ||||||||||
|---|---|---|---|---|---|---|---|---|---|---|
 |
||||||||||
| Bewaringstatus | ||||||||||
| Wetenskaplike klassifikasie | ||||||||||
|
||||||||||
| Genera | ||||||||||
|
Menigte |
Arende of adelaars is groot roofvoëls wat lede van die voëlfamilie Accipitridae is, en aan vele genera behoort wat nie noodwendig naby verwant aan mekaar is nie. Meeste van die meer as 60 spesies kom in Europa en Afrika voor[1]. Buite hierdie areas kan slegs twee spesies in die VSA en Kanada gevind word, nege spesies in Suid-Amerika en drie in Australië.
Beskrywing [wysig]
Arende word hoofsaaklik deur hulle grootte, kragtiger bou en swaarder kop en snawel onderskei van ander roofvoëls. Selfs die kleinste arende, soos die Dwergarend (wat vergelykbaar in grootte met Jakkelsvoëls en sekere valke is), het relatiewe langer en meer eweredig breër vlerke, en meer direkte, vinniger vlug. Meeste arende is grootter as enige ander roofvoëls behalwe Aasvoëls. Die spesies wat arende genoem word kan in grootte en gewig wissel van die Suid-Nicobar Slangarend, teen 500 gram en 40 cm, tot die 6.7 kg Steller se Seearend en die 100 cm Fillipynse Arend.
Soos alle roofvoëls, het arende baie groot en kragtige gehaakte snawels om vleis van hulle prooi te skeur, sterk gespierde bene, en kragtige kloue. Hulle het ook uitstekende sig wat hulle in staad stel om potensiële prooi van 'n baie lang afstand af te gewaar[2]. Hierdie goeie sig word primêr toegeskryf aan hulle uitermatige groot pupille wat minimale diffraksie (verspreiding) van invallende lig verseker.
Arende bou hulle neste in hoë bome of op hoë kranse. Baie spesies lê twee eiers, maar die ouer, groter kuiken maak gereeld die jonger een dood nadat dit uitgebroei het.
Sien ook [wysig]
- Alfabetiese lys van Suid-Afrikaanse voëls
- Lys van Suid-Afrikaanse voëls (Groepeer)
- Lys van Suider-Afrikaanse voëls volgens wetenskaplike name
Verwysings [wysig]
- ↑ del Hoyo, J.; Elliot, A. & Sargatal, J. (editors). (1994). Handbook of the Birds of the World Volume 2: New World Vultures to Guineafowl. Lynx Edicions. ISBN 8487334156
- ↑ Shlaer, Robert (1972-05-26). "An Eagle's Eye: Quality of the Retinal Image". Science 176 (4037): 920–922. doi:10.1126/science.176.4037.920. PMID 5033635. http://www.sciencemag.org/cgi/content/abstract/176/4037/920?ck=nck. Besoek op 2007-11-20.
