Waenhuiskrans

in Wikipedia, die vrye ensiklopedie
(Aangestuur vanaf Arniston)
Spring na: navigasie, soek
Waenhuiskrans
Arniston
Ligging van Waenhuiskrans op 'n kaart (Wes-Kaap)
Waenhuiskrans
Waenhuiskrans
Koördinate: 34°40′0″S 20°13′50″O Koördinate: 34°40′0″S 20°13′50″O
Land Vlag van Suid-Afrika Suid-Afrika
Provinsie Wes-Kaap
Distriksmunisipaliteit Overberg
Plaaslike Munisipaliteit Kaap Agulhas
Oppervlak
 - Dorp 3,95 km²  (1,5 vk m)
Bevolking (2011)
 - Dorp 1 267
 - Digtheid 320/km² (828,8/myl2)
Tydsone SAST (UTC+2)
Poskode 7280

Waenhuiskrans is 'n kusdorpie aan die Indiese Oseaan in die Wes-Kaap, Suid-Afrika. Dit is genoem na 'n grot soos 'n waenhuis sowat 2 km suid van hier. Die dorp is 'n gewilde visvangplek. Dit staan ook as Arniston bekend na aanleiding van die HMS Arniston wat op 30 Mei 1815 hier gestrand het. Slegs ses van 378 persone aan boord het oorleef.

Betrokkenheid tydens die Tweede Wêreldoorlog[wysig | wysig bron]

Tydens die Tweede Wêreldoorlog was dit nie alleen die suidelike noorkapperwalvisse wat Waenhuiskrans besoek het nie, maar ook ander grys burgers van die see wat langs die diep kus verbybeweeg en vlugtig opgekom het om toegang tot die strand te verkry. Dit was U-bote van die Nazi-regering wat 133 skepe langs die Suid-Afrikaanse kus tussen 19421945 gesink het. Die see naby Kaap Agulhas was die middelpunt van die Unterboot-bedrywighede. Soos die Hollandse matrose van ouds, het die Duitse bemanning vars verversings nodig gehad, maar hierby ook diesel. Die Nazi-ondersteuners uit die kontrei was tog te bly om vars plaasprodukte te voorsien. Volgens oorlewering het daar geheime tennisspele op die strand by Waenhuiskrans plaasgevind. Net ’n hanetreetjie van Potberg af, langs De Hoop se kus, het die U-bote in die diepe waters geskuil. ’n Bekende palingvisserman is aangestel om op die uitkyk na U-bote te wees. ’n Spesiale telefoonverbinding is vir hierdie doel geïnstalleer. ’n Witsandwinkelier het die Duitse bemanning met diesel verskaf, totdat die polisie ingelig en sy gewaarsku is dat ’n lokval gestel is.[1]

Sien ook[wysig | wysig bron]

Verwysings en bronne[wysig | wysig bron]

  1. Overberg Tapestry. Leslie Howard. 2004. Bl. 152. ISBN 0-9584766-1-6

Sien ook[wysig | wysig bron]