Artūras Barysas
Artūras Barysas „Baras“ (* 10 Mei 1954; † 28 Januarie 2005) was 'n Litause kunstenaar. Barysas - 'n verteenwoordiger van die Avantgarde-beweging - was as akteur, regisseur en musikus werksaam.
Hy was onder meer die sanger van Ir Visa Tai Kas Yra Gražu Yra Gražu (meestal afgekort as I.V.T.K.Y.G.Y.G., letterlik: "Alles wat mooi is, is mooi"), 'n musiekgroep wat in 1988 gestig is. Vanaf die 1970's het Barysas ook kort rolprente gedraai. Hy het die regie van altesaam meer as tien rolprente behartig, waaronder die dokumentêr Tarp 8 vėjų (2002) wat die uitsterwing van die Koerse taal behandel.
Barysas het die skrywers Robertas Kundrotas en Algimantas Lyva tot die hoofkarakter Magas in hul roman Pasviręs pasaulis geïnspireer wat in 1995 verskyn het.
Eksterne skakels [wysig]
- Onderhoud met Barysas (Litaus)
- Amptelike webtuiste van I.V.T.K.Y.G.Y.G. (Litaus)
