Asjkenasi-Jode

Asjkenasi-Jode, ook bekend as Asjkenazim (Hebreeus: אַשְׁכֲּנָזִים‎, uitgespreek [ˌaʃkəˈnazim], enkelvoud: [ˌaʃkəˈnazi]; ook יְהוּדֵי אַשְׁכֲּנָז, Jehoedei Asjkenaz, "die Jode van Askenas") is die Jode van die Middeleeuse Joodse gemeenskappe langs die Ryn-rivier in Duitsland van Elsas in die suide tot die Rynland in die noorde. Askenas is die Middeleeuse Hebreeuse naam vir die streek en dus ook vir Duitsland. Asjkenazim beteken dus letterlik "Duitse Jode". Later is al die Jode van Wes- en Sentraal-Europa Asjkenasi-Jode genoem, want die hoofsentrums van die Joodse geleerdheid was in Duitsland geleë.