Astrale projeksie

in Wikipedia, die vrye ensiklopedie
Spring na: navigasie, soek

Astrale projeksie is in okkultisme die vermoë om die liggaam bewustelik te verlaat deur middel van 'n astrale liggaam en word ook beskryf as 'n Buite Liggaamlike Ervaring (BLE). Tydens Astrale projeksie word die bewussyn van die persoon beweeg van binne die fisiese liggaam na 'n astrale liggaam. Verskeie mense het 'n ervaring waar hulle buite hulle liggame wakker word en dan afkyk na hul liggame. Astrale projeksie se doelwit is om hierdie ervaring te dupliseer terwyl die persoon by sy volle bewussyn is.

Daar is verskeie redes waarom 'n persoon 'n Buite Liggaamlike Ervaring wil ervaar:

  • Om die werklikheid van hul geestelike liggaam te bevestig
  • Om 'n eenheid met die geheel van die heelal te ervaar
  • Om hul vrees vir die dood te oorkom deur te ervaar dat lewe losstaande van die liggaam ervaar kan word.
  • Om kennis van die geskiedenis te bekom wat op die nulvlakveld vasgelê is
  • Om 'n innerlike liggaam te ontwikkel sodat die kwaliteit van bestaanswyse verhoog kan word
  • Om op ander vlakke van bestaan met geeste, demone, engele ens te kommunikeer.