Australiese Ope (tennis)
Die Australiese Ope is 'n groot tenniskampioenskappe wat jaarliks in Januarie in Melbourne Park, Australië aangebied word. Dit is die eerste Grand Slam-toernooi van die jaarlikse tennis kalender.
Soos by alle Grand Slam-toernooie word mans- en damesenkels, mans- en damesdubbels, gemengde dubbels en juniorkampioenskappe gespeel. 'n Toernooi vir rolstoel-tennisspelers en vertoonwedstryde deur bekende spelers word ook aangebied.
Inhoud |
Geskiedenis [wysig]
Oorspronklik is die kampioenskappe aan die begin van die kalenderjaar gehou. In 1977 word dit verskuif na einde Desember (rondom Kersfees) en is twee kampioenskappe die jaar in beide Januarie en Desember aangebied. Teen einde 1985 word besluit om na die oorspronklike reëling terug te val en dat die volgende kampioenskappe eers in 1987 gespeel sou word. As gevolg hiervan is geen kampioenskappe in 1986 gehou nie.
Voor 1983 het baie van die wêreld se beste spelers nie aan hierdie toernooi deelgeneem nie. Die hoofrede hiervoor was dat dit te ver was om te reis en baie spelers het dit nie as 'n belangrike toernooi geag nie.
Hitte-beleid [wysig]
Die toernooi word in Januarie, tydens die warem Australiese somer gespeel. In 1998 word 'n uitermatige hitte-beleid ingevoer.[1] Dit is die enigste groot toernooi wat so 'n beleid het.[2] Sodra die temtratuur bokant 35 grade Celsius styg kan spel vir 'n rukkie gestop word om dehidrasie van deelnemers te voorkom. Wedstryde op buitebane word dan onderbreek. Die dak oor die hoofstadion kan toegemaak word en verkoelingstelsels kan aangeskakel word. [2] In 2007 het temperature op die bane tot bokant 50 grade Celsius gestyg.[1]
Finaliste [wysig]
Hieronder die mees onlangse finaliste in beide die mans- en damesenkelspel:
Mans [wysig]
|
Vroue [wysig]
|
.svg){kind=small}
Verwysings [wysig]
- ↑ 1,0 1,1 “Australian Open Weather / Extreme Heat Policy | Australian Open”. australian.open-tennis.com. 2011. URL besoek op 31 Januarie 2011.
- ↑ 2,0 2,1 “Extreme heat policy likely at Australian Open - ABC News (Australian Broadcasting Corporation)”. abc.net.au. 28 Januarie 2009. URL besoek op 31 Januarie 2011.
Eksterne skakels [wysig]
| Voorafgegaan deur: VSA Ope |
Grand Slam Kampioenskappe Januarie |
Opgevolg deur: Franse Ope |
