Avon (Bristol)
| Avon | |
|---|---|
 | |
| Oorsprong | Acton Turville, Suid-Gloucestershire |
| Monding | Severn-monding, Avonmouth, Bristol, Wes-Engeland |
| Stroomgebied | Wes-Engeland, Verenigde Koninkryk |
| Lengte | 121 km (75 myl) |
| Oorspronghoogte | 120 m (394 voet) |
| Gemiddelde afloop | 21,98 m³/s (776 ft³/s) |
| Stroomgebiedopp. | 2 308 km² (891 myl²) |
Die Avon [ˈeɪvən] is 'n rivier in die suidweste van Engeland. Ter onderskeiding van ander riviere met dieselfde naam word na hierdie rivier dikwels verwys as Lower Avon of Bristol Avon. Die riviernaam het sy etimologiese wortel in die Walliese woord vir rivier, afon.
Die Avon ontspring net noord van die dorp Acton Turville in Suid-Gloucestershire en vloei vervolgens deur Wiltshire. Sy benedeloop tussen Bath in Somerset en die Severn-monding in Avonmouth naby Bristol is bevaarbaar en staan bekend as die Avon Navigation.
Die Avon is die 19de langste rivier in die Verenigde Koninkryk met 121 km (75 myl), alhoewel die regstreekse afstand tussen rivierbron en -monding slegs 31 km (19 myl) is, met 'n opvanggebied van 2 308 km² (891 vierkante myl).