Bandkeelkleinjantjie

in Wikipedia, die vrye ensiklopedie
Spring na: navigasie, soek
Bandkeelkleinjantjie
Bewaringstatus
Wetenskaplike klassifikasie
Koninkryk: Animalia
Filum: Chordata
Klas: Aves
Orde: Passeriformes
Familie: Cisticolidae
Genus: Apalis
Spesie: A. thoracica
Binomiale naam
Apalis thoracica
Shaw, 1811

Die Bandkeelkleinjantjie (Apalis thoracica) is 'n voël wat in Afrika voorkom en aan die familie Cisticolidae en orde van sangvoëls (Passeriformes) behoort. In Engels staan dit as die Bar-throated Apalis bekend.

Hulle is skraal voëltjies met 'n lang stert, 11 tot 13 cm in lengte. Die verekleed wissel tussen subspesies: die rugkant kan grys of groen wees, terwyl die onderkant wit of liggeel is. Almal het 'n smal swart band oor die bors, wit buitenste stertvere en bleek oë. Die swart snawel is taamlik lank, skraal en effens geboë. Die wyfies is soortgelyk aan die mannetjies, maar het 'n nouer borsband. Jong voëls se borsband kan onvolledig wees.

Paartjies sing dikwels in duet. Die wyfies se getjirp het 'n hoër toonhoogte as die van mannetjies.

Hulle bou 'n ovaalvormige nes van plantmateriaal. Drie eiers word gelê. Die eiers is blou-wit met rooi-bruin kolle daarop. Die broeiseisoen duur van Augustus tot Januarie.

Die voëltjies soek ruspes en ander insekte om te vreet tussen plantegroei en vorm dikwels gemengde spesie-swerms met ander voëls.

Verspreiding en woongebiede[wysig]

Daar is 18 subspesies:

  • A. t. griseiceps: van suidoostelike Kenia tot sentraal Tanzanië.
  • A. t. pareensis: South Pare-berge (noordoostelike Tanzanië).
  • A. t. murina: van noordoostelike Tanzanië tot noordelike Malawi en noordoostelike Zambië.
  • A. t. uluguru: Uluguru-berge (oostelike Tanzanië).
  • A. t. youngi: suidwestelike Tanzanië, noordelike Malawi en noordoostelike Zambië.
  • A. t. whitei: oostelike Zambië en suidelike Malawi.
  • A. t. rhodesiae: van noordoostelike Botswana tot sentraal Zimbabwe.
  • A. t. quarta: Nyanga-berge (noordoostelike Zimbabwe) en Mount Gorongoza (westelik-sentraal Mosambiek).
  • A. t. arnoldi: oostelike Zimbabwe en suidwestelike Mosambiek.
  • A. t. flaviventris: suidoostelike Botswana en noordelike Suid-Afrika.
  • A. t. spelonkensis: noordoostelike Suid-Afrika.
  • A. t. drakensbergensis: oostelik-sentraal Suid-Afrika en westelike Swaziland.
  • A. t. lebomboensis: oostelike Swaziland, oostelike Suid-Afrika en suidelike Mosambiek.
  • A. t. venusta: van oostelike tot suidoostelike Suid-Afrika.
  • A. t. thoracica: Suidoostelike Suid-Afrika.
  • A. t. claudei: Suidelike Suid-Afrika.
  • A. t. capensis: suidwestelike Suid-Afrika.
  • A. t. griseopyga: westelike Suid-Afrika.

Sien ook[wysig]

Wikispecies
Wikispecies het meer inligting oor: