Barbapapa

in Wikipedia, die vrye ensiklopedie
Spring na: navigasie, soek

Barbapapa is die titelkarakter en naam van die "spesie" van die genoemde karakter, van 'n reeks kinderboeke wat in die 1970's geskryf is deur die Franse argitektuurstudent Anette Tison en die Amerikaanse biologieleraar Talus Taylor, woonagtig in Parys, Frankryk.[1] Die eerste boek het in 1970 in Frans verskyn (barbe à papa is Frans vir spookasem of kan letterlik vertaal word as "papa se baard") en is later in meer as 30 tale vertaal.

Karakters[wysig]

Die hoofkarakters[wysig]

  • Barbapapa: die protagonis. Hy is pienk en meestal peervormig.
  • Barbamama: die vrou van Barbapapa. Sy is swart van kleur. Hulle het saam 7 kinders elk met sy eie kleur:
  • Barbabee is 'n geel seun en hou van diere en kan met hulle kommunikeer.
  • Barbalala is 'n groen meisie en hou van musiek.
  • Barbabientje is 'n oranje meisie en hou van boeke en teater.
  • Barbabob is 'n swart harige seun en hou van kuns.
  • Barbabella is 'n pers meisie en hou van skoonheid.
  • Barbabenno is 'n blou seun en hou van wetenskap en tegniek.
  • Barbaborre is 'n rooi seun en hou van krag en heldedom.

Bykomende karakters[wysig]

  • Michiel is die seun in wie se tuin die Barbapapas gebore is.
  • Annabel is die sus van Michiel. Die twee speel graag met die Barbapapas.
  • Lolita is 'n swart-wit gevlekte, stout hondjie wat in die laaste reeks sy verskyning maak.

Alternatiewe titels[wysig]

Titels vir Barbapapa in ander tale:

Eksterne skakels[wysig]

Verwysings[wysig]

  1. Meet the Barba-authors”. Naughty Kitty Studios: 2002. URL besoek op 2008-05-08.