Barberspan

in Wikipedia, die vrye ensiklopedie
Barberspan
Barberspan is in Noordwes (Suid-Afrikaanse provinsie)
Barberspan
Barberspan
Koördinate: 26°35′02″S 25°34′59″O / 26.58389°S 25.58306°O / -26.58389; 25.58306Koördinate: 26°35′02″S 25°34′59″O / 26.58389°S 25.58306°O / -26.58389; 25.58306
LandVlag van Suid-Afrika Suid-Afrika
ProvinsieNoordwes
DistriksmunisipaliteitNgaka Modiri Molema
Plaaslike MunisipaliteitTswaing
TydsoneUTC+2 (SAST)

Barberspan is ‘n provinsiale natuurreservaat in Noordwes. Dit is in 1975 tot ‘n Ramsar-vleiland verklaar.

Ligging[wysig | wysig bron]

Hierdie pan lê noordwes van Vryburg en tussen Delareyville en Sannieshof, aan die N14-hoofpad van Suid-Afrika. Net noordoos daarvan lê die Leeupan.

Die pan[wysig | wysig bron]

Die pan kry sy water deur ‘n kanaal vanaf die Hartsrivier. Onder natuurlike omstandighede het die vlei water ontvang as die rivier in vloed is en die water tydens besondere omstandighede oor sy oewer spoel en in die pan vloei. Die hele natuurreservaat is 3 118ha groot, maar die meer beslaan 2 000 ha en tot 12m diep as dit vol is. Dit is dus ‘n varswatermeer omring met graslande.

Voëls[wysig | wysig bron]

‘n Voël-navorsingstasie is in 1960 hier opgerig. In die beginjare van die navorsing is 40 000 voëls en 190 spesies per jaar hier waargeneem. Hulle sluit in die bontfraiingpoot, grootwulp, rooipensreier en flaminke.

Visse[wysig | wysig bron]

Verskeie visspesies kom in die vlei voor, onder andere die geelvis, karper, spesies van die genus barbus, kleinbek-geelvis en die Oranjerivier-moddervis.

Ontspanning[wysig | wysig bron]

Die vlei en sy direkte omgewing het in ‘n vakansieoord met hengel en die waarneming van voëls as vernaamste aktiwiteite ontwikkel.

Naam[wysig | wysig bron]

Alhoewel dit algemeen aanvaar is dat die naam van die pan ontleen is aan ‘n visspesie wat daarin voorkom, is dit nie ‘n voldonge feit nie.

Lees ook[wysig | wysig bron]

Bibliografie[wysig | wysig bron]

  • www.saramsar.com


'n Geelborsstrandkiewiet by Barberspan afgeneem.