Beat-generasie
Die term Beat-generasie (Engels Beat Generation) verwys na 'n groep Amerikaanse post-Tweede Wêreldoorlogse skrywers wat in die 1950's na vore getree het en die kulturele fenomene wat deur hulle gedokumenteer én geïnspireer is. Die hoofelemente van die Beat-kultuur het eksperimentasie met dwelmmiddels en alternatiewe vorme van seksualiteit, 'n belangstelling in oosterse religie, die verwerping van materialisme en die idealisering van uitbundige, onbeskaamde uitdrukkingsvorme en leefstyle.
Die bekendste werke van Beat-literatuur sluit Allen Ginsberg se Howl (1956), William S. Burroughs se Naked Lunch (1959) en Jack Kerouac se On the Road (1957) in. Sowel uit Howl asook Naked Lunch het hofsake voortgespruit waarin die outeurs van obseniteit beskuldig is, maar uiteindelik het hulle 'n belangrike bydrae gelewer tot die liberalisering van die Amerikaanse publikasiebedryf. Die Beat-generasie se lede het 'n reputasie ontwikkel as nuwe boheemse hedoniste wat non-konformiteit en spontane kreatiwiteit verheerlik het.
Die oorspronklike skrywers van die Beat-generasie het in New York byeengekom. Die sleutelfigure het - behalwe vir Burroughs - later, teen die mid-1950's, na San Francisco gegaan en vriendskapsbande met digters van die San Francisco Renaissance gesmee.
Elemente van die groeiende Beat-beweging het in die 1960's deel van die Hippie-teenkultuur geword.
Eksterne skakels[wysig | wysig bron]
 |
Wikimedia Commons bevat media in verband met Beat Generation. |